Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Kalaallit Nunaat/Ruonáeanan

Ruovttohisdilis váttis beassat eret Nuukas

Uppdaterat fredag 1 april 2016 kl 12.48
Publicerat torsdag 31 mars 2016 kl 12.07
1 av 2
Hus i staden Nuuk på Grönland
2 av 2
Kalaallit Nunaats huvudstad Nuuk. Foto: Maria Dahlgren/ Sameradion & SVT Sápmi

Nuuka gávpogis, Kalaallit Nunaatas lea ásahuvvon álbmotruoktu geahpidit ruovttohis olbmuid dili, muhto dušše goalmmádas oassi čáhká dohko.


Ruonáeatnanlaš Hans Peter Ananiassen massii orohaga measta 7 jagi áigi go viessoeaiggát gáibidii liige ruđaid ja sus ii lean várri.

- Álggus leai váttis, vuosttaš jagiid lávii nohkkat olbmáid ja oahppasiid luhtte. De son dieđihii gildii ahte sus ii lean fásta čujuhus ja nu beasai orrugoahtit álbmotruovttus.

Nuukas gávdnojit sullii beannot čuođi ruovttuhis olbmo. Eatnasat sis orrut sogaid ja oahppásiid luhte, muhtomat olgun ja loahpat álbmotruovttus mas leat 36 idjasaji. Eahkes guđa áiggi besset sisa ovcci rádjái iđđes. De giddejuvvo vai bargit besset čorget muhto kafea lea rabas ja das besset nuvttá borrat. Bargit ja orrut dovddet guhtet guoimmiset buoragit ja leat ovttas mearridan viessonjuolggadusaid maid ferte čuovvut.

Lea gielddastivrra mii golbma jagi áigi mearridii ásahit dakkár álbmotruovttu guokte ja bealle miljuvnna ruvnnosaš budjeahtain jahkái. Nuuk gávpot stuorru juohke jagi golmmáin, njelljiin čuđiin, muitala sosiálkontuvrra hoavda ja dat ii unnit váttisvuođaid ruovttuhis olbmuide gávdnat iežas orohaga.

- Juohke ovttas lea oktavuohta sosiálabargiin čoavdindihte sin sosiálalaš váttisvuođaid, Sis lea nu miella gávdnat čovdosa juohke oktii, muhtomin menestuvvá, iežá gerddiid ii, dadjá sosiálkontuvrra hoavda Kirsten Bödker.

Ii leat beare orohatvátni mii dagaha ahte lea váttis beassat eret ruovttuhis dilis, meidne Hans Peter, danin go su mielas ruovttuhis olbmot vealahuvvojit bargobáikkiin Kalaallit Nunaatas, beroškeahttá oahpahusduođaštusas ja njuolga gelbbolašvuođas.

- Sus leat leamaš njeallje virgádanságastallama ja go ožžo diehtit ahte sus ii leat ruoktu de bidje su olggus, áidna maid son váillaha lea orohat, muđui son gal birge, dadjá Hans Peter Ananiassen. 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".