Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Liksjoe/ Likssjuo/ Lycksele

Ubmisámi čállinvuohki dohkkehuvvo odne

Publicerat onsdag 6 april 2016 kl 12.26
Umeå Ubmeje vägskylt
Foto: David Rydenfalk/ Sameradion & SVT Sápmi

Odne lea historjjálaš beaivi ubmisámegillii, go odne dohkkehuvvo čállinvuohki almmolaččat, ja oažžu seamma árvvu dego iežá sámi gielat.

Lea leamašan guhkes ja mohkkás bargu ollet dán muddui, ja okta gii lea vuordán dán beaivvi lea ubmisámegiel oahppaheaddji Sara-Helén Persson.

– Lean guhká bargan ubmisámegielain, ja dát lea máilmmi stuorá lávki. Guhká lean vuostebiekkas bargan, muhto dal dovddan ahte biekkat leat jorggiheame.

Bargu dohkkehit ubmisámi čállinvuogi lea leamašan jođus guhká. Okta váttisvuohta barggus lea leamašan ahte muhtimat leat meidnen ahte ubmisámi čállingiella lea nu lahka oarjánsámi čállingiela, ahte ii livčče dárbu sierra ubmisámegiel čállinvuohkái.  

Muhto ubmisápmelaččat eai leat vuollánan, ja sii leat nai álggahan searvvi Álgguogåhtie, man bakto leat bargan dáinna áššiin.

Ubmisámegiella lea moadde jagi gávdnon Sámedikki áššelisttus, ja 2014:s Sámedikki giellalávdegoddi dieđihii mearrádusastis ahte sii leat dohkkehan ubmisámegiel čállinvuogi.

Muhto maŋŋel dan bargu fas bisánii, ja dán gearddi Sámi parlamentáralaš ráđđái, SPR, gos oaivvildedje ahte ii gávdnon nuogis buorre vuođđu dohkkehit ubmisámi čállinvuogi.

SPR mearridii danin 2015.is ásahit bargojoavkku guorahallat ášši, ja joavkkus leat njeallje njunjus áššediehtti: Pekka Sammalahti, Ole-Henrik Magga, Olavi Korhonen ja Henrik Barruk.

Bargojoavku oaččui nai válddi sin loahpparáporttas dohkkehit ubmisámi čállinvuogi, ja dát dáhpáhuvvá ge odne, Gammplatsenis, Likssjuos.

– Máŋgasat leat rahčan dán ovddas, ja máŋgasat háliidit oahppat ubmisámegiela. Boahtteáigi gal lea čuovgat, dadjá Sara-Helén Perssona.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".