Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Sámi Zlatan lea dál ráhkkaneamin Ruoŧa alimus dási čiekčamiidda

Publicerat fredag 15 april 2016 kl 14.34
1 av 3
2 av 3
June Pedersen under en tränig med Piteå IF. Foto: Privat
3 av 3
June Pedersen under en tränig med Piteå IF. Foto: Privat

June Pedersen lea čiekčan Norgga riikajoavkkus, sámi riikajoavkkus ja Upmi alimus dási joavkkus dalle go joavku lei buoremus. Dál son lea Bihtámis ja galgá su joavkku geahččalit doalvut ruoŧameaštir loahppačiekčamiidda.

June Pedersena nama gullá dávjá Bihtáma speakeris. Son dávjá dahkká joavkku moalaid.

- Diibmá dahken guhtta moala, muhto dal sáhttá šaddat váttis go čiekčan bealošteaddjin. Oláhit dan seammá dán áigodaga, moalaid ja assistai ektui, livččui oba somá.

Go lea sámi Zlatan de galggalii álki dahkat moalaid ja oláhit mihtuid. Muhto maid June ieš oaivvilda dasa ahte ollusat miehtá sámi gohčodit su sámi Zlatan?

- Mon lea oatni, ii leat seamme háhppil juolggiin ja in nu dadjái, dadjá June Pedersen, Piteå IF čiekči.

Son lea čiekčan sámi riikajoavkkus. Ja Norgga riikajoavkkus son čievččai vuosttaš gearddi mannan jagi. Dál son lea áigeguovdil go su joavku čiekčá dan vahkoloahpa Ruoŧa alimus dásis. Diibmá sin čikče nu bures ahte šadde goalmmádin juste dan alimus dásis.

- Šadda somá, garra čiekčamat ja ollusat geat seamme čuoggáid háledit. Vaikko diibmá lei garas de šaddá vel garrasit dán jagi, dadjá Pedersen.

Vaikko ii leat dál beassan čiekčat Norgga riikajoavkkus sin guokte maŋŋemus čoahkkimiin de son bidjá eanemus návččaid su Bihtám jovkui ja Ruoŧa alimus dási čiekčamiidda.

- Čiekčat riikajoavkkus fas livčče dušše okta mihttu vel. Dal son hárjehallá dápe de oaidná mii dáhpáhuvva boahtteáiggis, loahpaha June Pedersen.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".