Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Ruonáeanan/Kalaallit Nunaat

Bargu jođus soabadit iežašet historjjáin

Publicerat tisdag 19 april 2016 kl 11.44
1 av 2
Klaus Georg Hansen
2 av 2
Klaus Georg Hansen, projektledare, Grönlands departement Foto: Maria Dahlgren/ Sameradion & SVT Sápmi

Dánmárku válljjii ahte ii searvva bargat soabadallankommišuvnnain ovttas Ruonáeatnamiin. Dal Ruonáeatnamis leat juo jođus bargguin čielggadit mot historjjá lea váikkuhan olbmuide.

 

Guokte jagi áigi álggahedje barggu čielggadit maid Ruonáeatnanlaččat leat šaddan gillát áiggiid čađa. Dánmárku lea válljen ahte ii galgga searvat dán bargui.

- Dát lea Ruonáeatnama iežaš proseassa, mas eai galgga geahččat mot Dánmárkku koloniseren áigodat lea váikkuhan ruonáeatnama álbmogii, dadjá Klaus Georg Hansen, Departemeantta prošeaktajođiheaddji.

Ruonáeanan leai máŋgačuohti jagi dánska kolonia, dál lea iešstivrejupmi, muhto liikká lea ain čadnon Dánmárkui, goid ekonomalaččat. Dán soabadallanbarggus ii leat vuođđun oažžut ándagassii geasge, nu mot olu eará riikain lea go čađahuvvo dákkár bargu.

Sámis leat ságastallan álggahit duohtavuođakommišuvnna, sámiid ja stáhtá gaskas. Ruoŧa Sámediggi lea ovttas Vealahanáiddardeaddjiin álggahan barggu gáibidit dákkár kommišuvnna stáhtas.

Ruonáeatnama kommišuvnna bargu galgá geahččat máŋga oasi, nugo soabadallan iežaš historjáin, soabadallan buolvvaid gaska ja servvodaga joavkkuid gaska.

- Vuosttaš maid soabadallankommišuvdna lea gávnnahan lea ahte ruonáeatnama álbmot lea juohkásan guovtti oassái ja ahte leat badjelgeahččan nuppiid, dadjá Klaus Georg Hansen.

Áigomuš lea geargat dáinna bargguin boahtte jahkái. Ja vuordámuš livččui ahte maiddái dánmarku boahtteáiggis searvá muhto Klaus daddjá dan hui hástaleaddjin go son oaivvilda ahte Dánmárkkus ain lea badjelgeahččanvuohta.

- Go dát lea vuođđun dánskalaččaid iešveardideamis de sis ii leat vejolaš oaidnit maid dat maŋŋemus golbmačuohti jagi leat mearkkašan Ruonáeatnama historjái, sihke sosiálalaččat ja psykologalaččat.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".