Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Golmma jagi geažis galgá ođđa biibal ilbmat

Publicerat tisdag 24 maj 2016 kl 12.35
1 av 2
Nordsamisk bibel Foto: Maria Dahlgren/ Sameradion & SVT Sápmi
2 av 2
Nordsamisk bibel Foto: Maria Dahlgren/ Sameradion & SVT Sápmi

Diibmá ávvudii áidna davvisámegielat biibal 120 jagi. Máŋgalogi jagi lea bargu leamaš jođus jorgalit ođđasit olles biibala davvisámegillii. Dal lahkuna dat duohtavuohta go measta visot teavstta leat válbmasat.

Jahkásaččat lea joavku mii bargá davvisámegiela biibala jorgaleamiin čoahkkanan ovttas iežá nai giellaberošteaddjiin ságastit ja oažžut rávvagii barggus. Giđa čoahkkaneapmi Ábiskovvas, Ruoŧas dáidá maŋŋemus ovdalgo biibal deaddiluvvo.

Rávdna Turi Henriksen lea oahpis sámi girkoeallimii ja lea máŋga jagi bargan jorgalanjoavkkus.

- Go jurddaša nie stuorrát ahte dat lea ipmila sátni, de orro hui stuora ovddasvástádus ja hui váttis. Muhto dat ferte geahččat nugo mii su bargu lea, nammalassii dan giela guorahallat ja de leat dasto teologat geat máhttet dan vuođđogiela ja gehččet dan ahte ii spiehkkas das eret dat sisdoallu.

Áigomuš lea geargat dáinna stuora bargguin golmma jagi geažis, de boares davvisámegielat biibal šaddá 124 jagi. Norgga biibalsearvi dat jođiha dán barggu, searválaga Suoma ja Ruoŧa biibalserviiguin.

- Dal lea measta visot teavsttat jorgaluvvon ja  dán jagi galget visot teavsttat jur válmmas. De joatká  bargu veháš muvtit teavsttaid ja bidjat čoahkkái visot oasiid, dadjá Ruoŧa biibalsearvvi Mikael Winninge. 

Okta ulbmilin ođđa biibaljorgaleamiin lea ahte das ii galgga dovdot ahte lea beare Norgga, Suoma dahje Ruoŧa biibal.

- Eanemusta guovtti buolvva áigge lea dáhpáhuvvan ahte leat boahtán hui olu vierrogiela váikkohusat ja dat leat dahkan dan gulahallama rájiid rastá váttisin. Jus mii daid eastadit nagudit, dego vehá dulbet, šielmmái vuolihit, amhall dalle lea álkit gulahallat, dadjá biibaljorgaleaddji Tuomas Magga.


 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".