Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Sámediggi / Sametinget

Vigget ain geasuhit sámeparlameanta cegget Jåhkåmåhkkai

Publicerat torsdag 26 maj 2016 kl 16.43
1 av 2
Sametinget. Foto: SVT Sápmi
2 av 2
Sametinget. Foto: SVT Sápmi

Boahtte vahkku gieđahallá Sámediggi parlameantavisti ceggema dievasčoahkkimis. Girona gielda lea bargame detáljaplánaiguin ođđa gávpotguovddažii, gosa leat fállan Sámediggai viessosaji. Muhto jåhkåmåhkke gielda ii vuollán oččodit sámeparlameanta Jåhkåmåhkkai. 

Jåhkåmåhkke gielda lea guhkit áigge bargan dan ovdi ahte Sámediggi ceggešii parlameantavisti Jåhkamåhkkái, dál lohpidit ruhtadeami jus sámediggelahttut mearridit ahte parlameantavisti galgá leat Jåhkåmåhkkes. 

– Gielda ovttas iežá ruhtadeddjiiduin ruhtadit ráhkadusa ja láigohit dan Sámediggái. Lea dehálaš investeren masá gielda gávdná buriid čovdosiid. Dát lea vuohki čájehit ahte Jåhkåmåhkke gielda roahkka háliida parlameantavisti jåhkåmåhkkái, dadja Robert Bernhardsson  jåhkamåhkke gieldaráđđi 

2004 celkki dallus stáhtaministtar ahte parlameantaviessu galggai ráhkaduvvot. Stáhta opmodatdoaimmahat oaččui bargun válbmet prošeavtta ja evttohus "Badjáneapmi" vuittii akriteaktagilvvu. 
Viessosadji gaska dálá guovddaža lei válmmas, muhto gávpotsirdin álggahuvvui ja nu bisánii bargu. Girona gielda lea fállan viessosaji ođđa gávpotguovddážii.

– Veaháš gal imahallan go mii leat easka gávnnadan arkiteavttain ja Sámedikkiin ja mii leimmet geahččame viessosaji. Dál leat bargame detálaplánain. Mii leat guorahallan eatnama ja min mielas leat ožžon bargogohččosa válbmet viessosaji, dadja kristina Zakrisson, Girona gieldaráđđi. 

Nu guhká go iežá mearrádus ii leat váldon, de parlameantaviessu galgá ceggejuvvot Gironii ja ii leat dušše Johkamohkki mas lea beroštupmi dasá, dadjá stivrra ságadoalli.

-- Lea buorre fálaldat. Mun šattan hui ilolaš go gávdnojit gielddat mat buktet nu buriid fálaldagaid. Jåhkåmåhkkis leat ollu ovdamunit muhto lea garra gilvu saji birra, dadja Håkan Jonsson, sámedikki stivraságadoalli. 

-- Sámi fitnodateallimis ja institušuvnnain lea stuora sadji Jåhkåmåhkkis ja mun jáhkan ahte parlameantaviessu sáhttá addit buriid váikkuhusaid sámi ealáhusaide, loahpaha Robert Bernhardsson.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".