Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Staare/Östersund

Parlameantaviessoášši jotkojuvvo

Publicerat tisdag 31 maj 2016 kl 14.43

Sámedikki dievasčoahkkimis loktejuvvui otne parlameantaviessoášši. Stivra leai evttohan ahte parlameantaviessu galgá ceggejuvvot Gironii muhto Guovssonásti bellodat buvttii ovdan vuosteevttohusa man Sámediggi čuovvulii. Dat mearkkaša ahte ášši guorahallojuvvo vel ja loktejuvvo boahtte čoahkkimis.

De lea Sámediggi fas váldán mearrádusa parlameantaviesu áššis. Sámediggi lea guktii juo ovdal mearridan ahte Giron lea buoremus báiki ja dálá stivra lea dan doalahan ja evttohii Girona.

- Stivra dahká dan maid dievasčoahkkin mearrida, mis eai leat iežá direktiivvat. Lea diehttelas bargat dievasčoahkkinmearrádusaid mielde, dadjá stivrra ságadoalli Håkan Jonsson.

Sámedikki váldohálddahus lea álggu rájis láigun lanjaid Gironis ja parlameantaviessu lea leamaš áigeguovdil seammá guhki. 12 jagi áigi álggahuvvui parlameantaviessoprošeakta Gironis muhto gávpotsirdin lea ájihan dan barggu. Dal lea goit  viessosadji válmmas ođđa guovddážis muhto dat ii atte dorvvu Guovssonástti bellodahkii mii evttohii ahte Sámediggi galgá viidáset guorahallat iežá parlameantabáikkiid ja de boahtte čoahkkimis fas loktet ášši.

- Mii fertet leahkit dárkilat Sámedikki bealis gávdnat buriid čovdosiid ruhtadeapmái. Dal mii váldit mearrádusa mii váikkuha Sámedikki ruhtadili máŋga logi jagi ovddosguvlui ja go gávdnojit evttohusat gos soaitá leahkit buorre ruhtadeapmi go evttohus Gironis, de mii šaddat váldit daid evttohusaid sisa ja dárkkistit leat go buorit ja de mearridit loahpalaččat, oaivvilda Lars Miguel Utsi Guovssonásti bellodagas.

Sámediggi jienastii vuosteevttohusa mielde. Dat mearkkaša ahte proseassa gosa ráhkadit parlameantaviesu jotkojuvvo ain ovddosguvlui. Ii leat nu imaš oaivvilda Håkan Jonsson.

- Mon jáhkán dát digaštallan jotkojuvvo dassá go mii álgit ráhkadit parlameantaviesu. Lea ášši mas bellodagat eai stivre, leat dávjá ovttaskas lahtut geain leat sierra oaivilat go lea earenoamáš ja dehálaš ášši, loahpaha Håkan Jonsson, Sámedikki stivrra ságadoalli.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".