Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Guhkes vuordináigi Gálloga mearrádusas

Publicerat fredag 26 augusti 2016 kl 14.12

Máŋga jagi lea gollan dan rájis go ruvkeásaheapmi Gállogis, davvi Ruoŧas šattai áigeguovdil. Ja mearrádus šaddá go ruvki vai ii ádjana go ášši lea máhcahuvvon vuosttaš instansii. Lossat eallit eahpesihkarvuođain, dadjá Jåhkågasska čearu ságadoalli.

Giđđat 2013 šattai ruvkeásaheapmi áigeguovdil Gállogis, Johkamohki olggobealde. Guovllu čearut bidje vuostá ákkain ahte ruvki billistivčče johtingeainnuid ja dálveeatnamiid. Ja boazoolbmot, iežá sámit ja luondduberošteaddjit vuosttildedje ge máŋga mánu garrasit ruvkeásaheami.

- Dát mii dáhpáhuvai dáppe dalle leai hui dehálaš min čerrui ja min áššiide. De ledje maiddái iežá dehálaš áššit nugo birasášši mii lea seammá dehálaš ja mat bohte oidnosii dalle, dadjá Jåhkågasska čearu ságadoalli Jan Erik Länta.

Mannan čavčča hilggui Norrbottena leanastivra ruvkeásaheami. Báktedoaimmahat ii mannan leanastivrra vuostá ja sáddii ášši ráđđehussii mii fas máhcahii dan Báktedoaimmahahkii ja gáibidii ođđa guorahallama. Sivvan dasá lea duopmu Alimus Hálddahusduopmostuolus plánejuvvon ruvkkis lulli Ruoŧas, ahte Báktedoaimmahat ferte geahččat visot váikkuhusaid olles plánejuvvon industriijaguovllus. Ja ii leat diehtu goas mearrádus boahtá jus šaddá ruvki vai ii. 

- Ášši lea fas dáppe min luhtte vuosttaš instánssas ja jus mii hilgut dehe mieđihit, de ášši sáhttá váidaluvvot, álggus ráđđehussii ja vejolaččat nai Alimus hálddahusduopmostuollui, dadjá Johan Morin, Báktedoaimmahagas. 

Eahpesihkarvuohta lea lossat boazoolbmuide ja jurdagat jorret ollu boahtteáiggis muhto vuordámuš čearuid bealis lea ahte Báktedoaimmahat loahpalaččat hilgu ruvkeásaheami.

- Jus mearrádus manná min vuostá mii eat sáhte bohccuiguin bargat dego otne. Ii šattaše álki heivehit iežas dasá ja dat váikkuhivčče min hui garrasit, dadjá Jan Erik Länta. 

Ođđasat eai leat gávdnan ruvkefitnodaga Jokkmokk iron mines dahje Beowulfmining vuordináiggi birra. 

 


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".