Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Biŧámsámi sátnegirji almmuhuvvon

Ođđa sátnegirji stuora veahkkin oahpaheaddjái

Publicerat onsdag 5 oktober 2016 kl 14.19
1 av 2
Inger Fjällås, Bihtqmsqmegieloahpaheaddji
2 av 2
Foto: Jenny Israelsson Skoglund, Sameradion & SVT Sápmi

Dál lea biŧámsámi sátnegirji almmuhuvvon, ja oahpaheaddjái Inger Fjällås lea dát stuorra veahkkin. Ruoŧas hupmet birrasiid golbmalogi olbmo biŧámsámegiela ja Árjepluoves besset mánát lohkat dan sihke skuvllas ja mánáidgárddis. 

Son lea guhká oahpahan biŧámsámegiela vaikko oahppu ja sátnegirji lea váilon. 

– Dat lea suohtas ahte sátnegirji lea boahtán. Danin go olbmot  geat eai máhte giela dahje soitet healbadan sániid, sáhtet girjjis ohcat, dadjá Inger Fjällås, biŧámsámegieloahpaheaddji.

Oallugat ledje boahtán girjealmmuheapmái mii dollui Árjepluoves sámi vahku oktavuođas. Norgga Sámediggi ovttas Árjepluove suohkaniin  leat ruhtadan girjji, mas leat lágabui 5 000 sáni. Vuođđun girjái lea giellačoagginprošeakta mii álggahuvvui 2008:is.

Ámerihkkalaš dutki Joshua Wilbur lea gárvvistan dán ja sunnje leat leamaš hástalusat.

– Biŧámsámegiella ii leat mu eatnigiella ja lea leamaš váttis go ieš in máhte dan nu bures. In álo dovdda sániid maid galggan dárkkistit, inge máhte álo sojahit daid, dadjá gielladutki, Joshua Wilbur.

Giella goit gullo dáppe Árjepluoves vaikko biŧámsámegiella lea áitojuvvon. Dušše golbmalogis hupmet dán, norggabealde lea jo oalát jávkán. Dás duohko go Inger Fjällås galgá oahpahusaide ráhkkanit, lea dilli áibbas earálágán go ovdal. 

– Ovdamearkka dihte jus mánná jearrá mus sáni maid in muitte, de sáhtán ohcat sáni, dadjá Inger Fjällås.


Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".