Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Jiellevárri/Giron

E-logeš buoriduvvo ja johtingeainnut boatkanit

Publicerat torsdag 13 oktober 2016 kl 13.36

E-logeš, davvi Ruoŧas, galgá báikkohagaid govddiduvvot ja áidojuvvot, ovdamearkkad dihte Lappesavvona ja Avakko gaskkas, Jiellevári gielddas. Johtolatdoaimmahat ja Girjása čearru ohcet dal čovdosiid, go čearu johtingeainnut boatkanit áidumiin.

Johtolatdoaimmahat ja Girjása čearru leat dal gávnnadah ja leat geahčadan ovttasráđiid E-logeža goggu sáhtalii ráhkadit rastehaga bohccuide go raŧŧi galgá govddiduvvot ja áidojuvvot guovttebealis.

- Buoremus čoavddus livččii ahte snállat raŧŧebeallá ja govddidit dán luotta dušše ja diktit de leahkit. Dat dat lea leamaš min gáibádus čearu bealis muhto dat neaktá dainna málliin ahte eai oaste min ságaid eai ollonge, dadjá Ingemar Blind, boazoeaiggát Girjásis.

Johtolatdoaimmahat lea dal prošektereme E-logeža bahámus báikkiid lihkohisvuođa dáfus, Girona ja Töre gaskkas. Gullerdievas Veaikeváris ja Muorjeváridievas govddiduvvo raŧŧi vai iežá trafihka beassá guorbmebiillaid meaddel. Ja dáppe Lappesavvonis Avakko rádjái, goggo Girjáslaččaid johtingeainnut leat, šaddá duppál vuodjinluodda gaska- ja guovttebeal áiddiin, nu got dáppe Meartasis. Johtolatdoaimmahahkii lea dehálaš ráđđádallat guoskevaš čearuiguin.

- Mii háledit čovdosa mii doaibma boahtteáiggis ja dal gávdnojit golbma čovdosa, sildi raŧi badjebeali, tunnel raŧi vuollebeali dehe gaska mii ii leat ollonge áidojuvvon, dadjá Anna Kronman, oasseprošeaktajođiheaddji Johtolatdoaimmahagas.

Go Johtolatdoaimmahat ii čuovvul čearu vuosttaš evttohusa ahte dušše govddidit ja snállat raŧebealláid, de fertejit geahččat dan nubbi buoremussan.

- Dat leat duot eko-silddit. Dat lea dainna málliin ahte ferte gárddiid bintet daidda eko-silddiide ahte sáhttá silddi rastá vuojehit bohccuid. Šaddá veahá eanet kompliserejuvvon hoaidu, dát boazohoaidu dáinna málliin. Mon goit vuorddan ahte galggalivččiimet oažžut čađa čearu gáibádusaid, dadjá Ingemar Blind.

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".