Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Laponia máilbmeárbi 20 jagi

Publicerat onsdag 2 november 2016 kl 16.53

Dán jagi ávvuda Laponia 20 jagi máilbmeárbin, muhto Laponia hálddašeapmi sáhttá rievdat go geahččalanáigi lea nohkagoahtán.

Laponia Tjuottjudus lea stivren ja hálddašan laponiaguovllu bálgáid ja diehtojuohkima fargga njealje jagi. Geahččalanáigi lea nohkkagoahtán ja gávdnojit sierralágán oainnut movt hálddašeapmi lea doaibman, muhto ahte galget joatkit dan oaivilis gal orrot buohkat.

Juovlamánnui lea Laponia tjuottjudusas hálddašanváldi laoponiaguovllus, ovdal go geahččalanáigi nohkká ferte ráđđehus mearridit jus hálddašanvugiin galget joatkit. Vaikko hálddašeapmi ii guoska boazodoalli árgabeaivái de háliida Kenneth Pittja, Unna čerušis ahte dat vuohki jotko.

- Ii dat nu guoskka mu árgábeaivái, in mun gal ane nu muhto dat lea eanet suodji munnje go maid dat dahká vahágiid. Mun dat gal háliidan ahte dat joatká, mu mielas dá ii leat go álgu, dadjá  Kenneth Pittja.

Geaidnu lei mohkái ja guhki ovdalgo dát máilbmeárbi oaččui dan hálddašeami mii odne lea. Oainnut ledje sierralágánat das ahte geat galge stivret ja movt guovlu galggai hálddašuvvot. Dál lea Laponia Tjuottjudus hálddašan guovllu beal njealljat jagi.

Anna won Sydow gii bargá našunálparkkaid ossodagas Luonddugáhttendoaimmahagas oaidná ahte dakkár hálddašeami sáhttá eará guovlluide maid ásahit.

- Hálddašeapmi mas báikkalaš, guoskevaš olbmot ja gielda leat oassin stivreme lea mu mielas vejolaš boahtteáiggis ja soaitá maiddái dárbbašlaš boahtte áiggis, dadjá Anna won Sydow.

Ráđđehusa bealis eai hálit ovdagihti dadjat maidege, muhto geažuhit ahte máilbmeárbbi hálddašeami eai sáhte botket vaikke movt.

Laponia Tjuottjudus lea gulahallanorgána eiseválddiide ja sii hálddášit bálgáid ja diehtojuohkima.

- Mus lea buorre doaivva boahtteáigái, dal go min vuođđu lea nanusmuvván. Mii leat praktihkalaččat bargan sullii golbma ja beallejagi ja dat lea oanehis áigi go galgá hukset juoiddaid ja mis leat barggut mainguin áiggoše álgit nugo mearridit njuolggadusaid turistadoiammaide guovllus vai turisttat eai muosehuhtteše boazodoalu beare haga. Dien lágan barggut leat vuordime, dadjá Åsa Nordin Jonsson, Laponia Tjuottjudusa beaivválaš jođiheaddji.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".