Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Sámediggi

Girona gielda gáibida ruhtadeami parlameantavissui

Publicerat tisdag 22 november 2016 kl 15.46

Girona gávpotsirdin lea ollen dan muddui ahte huksenbargu ođđa guovddážis lea álggahuvvon. Gielda háleda maiddái huksegoahtit Sámedikki parlameantaviesu ja geahččala oažžut ruhtadeami dasá.

Girona gielda lea dal válmmas ceggegoahtit Sámedikki parleamantaviesu, dát mii váilo lea ruhta ja danin lea gielda sihtan gávnnadeami ráđđehusain.

- Mii háledit čielggadit ruhtadeami ođđa parlameantavissui. Dal mii álgat ráhkadit almmolaš viesuid ođđa Girona guovddážis ja dalle lea buorre áigi beassat mátkái parlameantavisttiin nai. Detáljaplánen sáhttá dal álggahuvvot, dadjá Niklas Sirén, várre gielddaráđđi Girona gielddas. 

2004 celkkii dallus stáhtaministtar ahte sámeparlameanta galggai ráhkaduvvot Gironii. Opmodatdoaimmahat válbmii prošeavtta ja evttohus “Badjáneapmi” vuittii arkitektagilvvu. Prošeakta lea leamaš mohkkái go gávpotsirdin lea ájihan barggu ja giđđat mearridii Sámediggi addit vejolašvuođa iežá gielddaide vuosehit beroštumi vissui.

- Lea buorre go gielda ohcá oktavuođa ráđđehusain, vuoseha ahte sii duođain háledit viesut. Muhto Sámediggi váldá loahpalaš mearrádusa go guoská parlameantavissui easka Troandimis guovvamánus, dadjá Sámedikki stivraságadoalli Håkan Jonsson. 

Mii eat lea darvehan sámeministara Alice Bah Kuhnke ságaide muhto Girona gielddas lea goit doaivva oažžut ruhtadeami sadjái.

- Mii sávvat johtilis mearrádusa mii sihkarasta ruhtadeami ođđa sámeparlameantavissui, dadjá Niklas Sirén.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".