Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Stockholm

Standing Rock Sioux tribe gáibida Nordea geassádit Davvi Dakotas

Publicerat torsdag 1 december 2016 kl 17.46

Otne geigii Sofia Jannok Standing Rock Sioux Tribe reivve Nordea báŋkui. Das sii gábidit ahte ruoŧa Nordea báŋku heaittiha investeremiid oljebohkanprošeavttas Davvi Dakotas.

Sofia Jannok leai ožžon ovddasvástádusa Standing Rock Sioux ábmoga jođiheddjiin geiget reivve báŋkui ovttas greenpeace organisašuvnnain gáibádusain ahte Nordea báŋku Ruoŧas geassáda ruhtademiin Davvi Dakota oljebohkkamii.

- Mon lean ieš mannan Standing rockas, oaidnan got dát váikkuha iežan oappaid ja vieljaid doppe. Ja dieđán ahte mis han leat semmá áššit dáppe maid mii vuosttildit, dadja artista ja vuosttildeaddji Sofia Jannok.

Moadde vahku áigi vuosehuvvui ahte báŋkkut Ruoŧas ledje investeren bealle miljárdda prošektii man eamiálbmogat guovllus ja miehtá máilmmi leat vuosttildeame. Reivves čállet ahte Davvi Dakota Access pipeline uhkkida sin iešmearrideami ja eallinvuogi.

Nordea báŋku lea akto investeren 360 miljuvnna ruvnnu fitnodagaide mat lea njuolga čadnon oljebohkkanprosektii. Ovdal lea báŋku dadjan Ođđasiida ahte sii áigut guorahallat ášši ja leat vuolgime Davvi Dakotai.

- Mii leat dal manname čađa visot materiála mii gávdno. Jus mii gávdnat fitnodagaid prošeavttas mat eai leat čuovvun Amerihka njuolggadusaid eaige min njuolggadusaid, de mii áigut ageret ja vaikko vuovdit daid, dadjá Sasja Beslik, Nordea ovdánahttinhoavda.

Den Norske Bank lea unnidan ruhtadeami, muhto leat ain loanat, prošektii maŋŋel go olbmot vuosttildisgohte báŋkkku investeremiid Davvi Dakotas.

- Nordea báŋku dego dat eará báŋkkut galggaše máhccat ja geasset eret iežas rudaid doppe, dadjá vuosttildeaddji Sofia Jannok.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".