Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Nieida- ja bárdneriikkajoavkkut ásahuvvojit Sámis

Publicerat måndag 5 december 2016 kl 10.52

Beardus lágiduvvui mannan vahkkoloahpa vuosttaš spábbačiekčanleairra nuoraide ulbmiliin johtui bidjat riikkajoavkkuid sihke nieiddaide ja bártniide. Ja vuosttaš kupa lea juo geasset.

Inslaget är textat

Ovdal leairra gávnnadeaimme oappaiguin Ester ja Elsa Tannerdal go leaigga reidegoahtan mátkki spábbačiekčanleirii Beardui man FA-Sápmi lágidii nuoraide. Ja vuordámušat gal ledje.

- Šaddá somá gávnnadit ođđa olbmuiguin ja spáppa čiekčat ovttas ja lea buorre oahppat ođđa diŋggaid dadjá Ester Tannerdal.

FA-Sápmi bidjá dal návccaid ásahit sihke nieiddaid ja bártniid riikkajoavkkuid. Vuosttaš hárjehallan leai Beardus mannan vahkkoloahpa mas 40 nuora Snåases gitta Detnui čoahkkánedje Beardui. Searvi lea ožžon 300 duháha almmolaš árbefoanddas ja ruđat galget earret hárjahallamiidda geavahuvvot Pite summer games čiekčamis geasset. Dat lea Ruoŧa nubbi stuorimus spábbačiekčankuppa ja Sápmi searvá vuosttaš geardde riikkajoavkkuiguin.

- Min ulbmil lea ahte šaddá nu somá go vejolaš ja ahte mii ollet nu guhkás go sáhttá. Soaitá ahte mii vuitit visot, dan ii vel dieđe muhto mis leat buorit riikkajoavkkut čeahpes nuoraiguin, dadjá FA-Sámi presideanta Håkan Kuorak.

Dán gávnnadeamis besse nuorat maiddái bargat teknihkalaš hárjeheddjiin Eija Feodoroffan gii lea dovddus namma sihke ruoŧa ja olgoriikkalaš spábbačiekčiid gaskkas bajimus dásis. Ja Elsa, gii lea Sámi ovddastan AWG:as, bijai vuordamušat sutnje. 

- Mon sávan ahte oaččun veahki buoridit čiekčama ja ferten dadjat ahte lea nu somá ovddastit Sámi, dadjá Elsa Tannerdal.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".