Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Luohti šattai goalmmádin Melodifestiválas

Publicerat måndag 13 mars kl 15.49
1 av 2
Jon Henrik Fjällgren ja Aninia
2 av 2
Jon Henrik Fjällgren ja Aninia Foto: Stefan Karlsson, SVT Sápmi & Sameradion

Luohti ii boađe gullot Eurovision song contest-gilvvus Ukrainas. Jon Henrik Fjällgren ja Aninia šattaiga goalmmádin Ruoŧa melodifestivalenis. Maŋŋel lávvordaga gilvvu lei Jon Henrik behtton go ii beasa ovddastit Ruoŧa Kiev:as.

Luohti dávistii lávvordaga Friends arenas Stockhoalmmas go Jon Henrik Fjällgren ja Aninia gilvaleaigga lávlagiin "Eatneme gusnie jeenh dåaroeh" Ruoŧa melodifestiválas. Artistaguovttus šattaiga goalmmádin.

- Gilvvus ii dieđe goassege got manná. Lea buorre šaddat goalmmádin. Livččii gal somá leamaš vuoitit, muhto ean dahkan dan, lohká Jon Henrik Fjällgren maŋŋel gilvvu. 

12 lávlaga gilvaledje Melodifestiválas. Robin Bengtsson vuittii lávlagiin "I can´t go on" ja son ovddasta Ruoŧa Eurovision song contest-gilvvus Ukrainas miessemánus. Geahččit jienastedje lagabui 14 miljovnna geardde ja Jon Henrik ja Aninia oaččuigá 10 prosenta jienain.

Jon Henrika váhnemat leaba duhtivaččat vaikko ii šatta reaisu Kievii.

- Lea buorre boahtit goalmmádin. Ledjen vuordán ahte Jon Henrik vuoitá vai šaddá nubbin dahje goalmmádin. Eai visot sáhte vuoitit, lohká Jon Henrika áhčči Jan Fjällgren.

- Soai leaigga erenoamaš buorit ja čeahpit, dadjá Jon Henrika eadni Ulla Fjällgren.

Ja maŋŋel gilvvu áigu Jon Henrik dál vuoiŋŋastit vaikko lea easka almmuhan ođđa skearru.

- Lea leamaš olu bargu maŋemus vahkuid. Dál mon galggan vuoiŋŋastit. Lea vuogas go gilvvut leat nohkan, loahpaha Jon Henrik Fjällgren.

Se det textade inslaget nedan

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".