Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
#vardagsrasismmotmigsomsame

Sáminuorra gáibida vuđoleappo barggu rasisma vuostá

Publicerat torsdag 30 mars kl 15.36
Isak Utsi. Foto: Sáminuorra pressbild
Isak Utsi. Foto: Sáminuorra pressbild

Vuosttaš plána rasisma vuostá bođii skábmamánus ja ráđđehusa doaivva lea ahte dat buorida dili maiddái sápmelaččaide. Muhto Sáminuorra ii dorvvas dasa go hálidivčče mihá vuđoleappo barggu iskat sápmelaččaid vásáhusaid rasismas.

- Ráđđehus áigu álggahit oahppodoaimmaid, muhto son jáhkká ahte ferte vuđolaččat bargat ja rievdadit oainnuid eiseválddiin ja hálddahusain mat gieđahallet sámi áššiid. Ferte maiddái duosttut rasisma mii čuožžila olbmuid oahppomeahttonvuođa geažil ja rasisma maid mánát berret rávesolbmuin, dadjá Sáminuora jođiheaddji Isak Utsi. 

Skábmamánus bođii vuosttaš nášunála plána rasisma ja vašširihkkosiid vuostá. Ráđđehusa áigumuš lea guođđit proposišuvnna riikabeaivái dán jagi siste.

Kultur- ja demokrátijaministtar diehtá ahte sámit šaddet olu árgarasisma vásihit, go leat čohkken vásáhusaid go barget dal doaibmabijuiguin rasisma vuostá.

- Sii dihtet ahte fertejit bargat dan ovdii ahte loktet eiseváldiid máhtu makkár hámis rásisma sáhttá vuhttot. Ahte poliisa ja Leanastivra fertejit oažžut eanet máhtu leat maid lokten sámiid bealis, dadjá Alice Bah Kuhnke.

Sáminuorra ja oahppodepartemeanta leat álggaheame oahppoprošeavtta gos nuorat oahpahit iežá nuoraid sámiid birra, sullasaš dego Norggas lea. Isak Utsi jáhkká dát šaddá dehálaš oassi unnidit oahppomeahttunvuođa.

- Jođiheaddjin son vásiha árgarasisma go boahtá soames čoahkkimii. Dovdu lea ahte váivvášuvvet go son háliida loktet sámi áššiid. Dan árgarasisma lea váttis čilget ja de lea maid váttis dasa maidege dahkat.

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".