Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Härjedalen

Bussalihkohisvuođas dušše golbma nuora 

Publicerat måndag 3 april kl 15.28

Bussalihkohisvuohta deaividii bassin iđđes lullelis Svega, Härjedálenis. Bussas ledje nuorat lulli Ruoŧas manname čuoigan- ja čierastanmátkái Jämtlándii. Golmmas sis heavvanedje lihkohisvuođas.

Bassi iđeda čieža áiggi vujii guovttevuonat bussa meahccái ja gopmánii. Golbma nuora dušše lihkohisvuođas.

- Dát lea surgat. Olmmoš gii ii guoskkahuvvo dakkár dilis ii gávdno. Nuorat veallut geat vardet, huiket ja roasmmehuvvan, muhtomat menehuvvan. Dakkár dili ii dárbbat oaidnit juohke beaivvi, ii leat dáválaš, dadjá Peter Nystedt, Ljusdala Gádjunbálvalusas.

Ledje 52 skuvlamáná ja čieža rávesolbmo Skene gávpogis, Västra Götalándda leanas geat ledje valáštallanmátkkis Klövsjöai, Jämtlánddas čuoigat ja čierastit. Lihkohisvuohta deaividii E-45 guokte miilla lullelis Svega, Härjedálenis. Geaidnu giddejuvvui go šattai stuora gádjundoaibma báikkis. 

- Gádjonbargu lea doaibman buoragit daid eavttuid ektui mat ledje álggus. Lea leamaš doarvái návccat ja bargoveahka, dadjá Peter Nystedt.

Golbma nuora dušše lihkohisvuođas, guoktelogis leat ain buohcceviesus, okta sis lea heakkavárálaš dilis. Bussavuodji birgii ieš ja meidne ahte sivva go bisttii busse meahccái leat rokkit man girse lea dahkan. Poliisa lea álggahan guorahallama lihkohisvuođas. Ängsskuvla Skenes gos mánát vázzet rahppui ikte čoahkkánanbáikin guovllu olbmuide gos besse gávnnadit ja moraštit ovttas. Girku Kinna searvegottis lea maiddái rabas.

- Olbmot leat nu suorganan ja eai báljo ipmir mii leat dáhpáhuvvan. Diehke besset boahtit, cáhkkehit gintala, ságastit, ja mii maiddái gávdnot veahkkin jus olbmuin lea dárbu ságastit, dadjá Katarina Hellgren, báhppa Kinna girkus.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".