Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Sápmi Lodge ráhkaduvvo Eajras  

Publicerat tisdag 4 april kl 14.46

Eajra čearru jođiha prošeavtta mas sámi kulturguovddáš galgá huksejuvvot Eajra gili davvelii. Ulbmil prošeavttain lea juohkit dieđuid sámi servodaga ja kultuvrra birra ja háhkat barggu guovllu sámenuoraide.

 Jus visot manná plánaid mielde, de hede ceaggána sámi guovddáš “Sápmi Lodge” Eajra gilis, Dálaris. 

- Mii háledit ahte olbmot besset oahppat sámekultuvrra birra ja gávdno iežá go beare boazodoallu. Dat han gávdno dáidda, luohti ja sámi biebmovierru, dadjá Anneli Jonsson, prošeaktajođiheaddji.

Stuorimus čierastanguovddáš Ruoŧas golbmalogi jahkái lea ceaggáneame Eajrai. Vihtta jagi siste investerejuvvo 1,2 miljárdda. Go visot lea válmmas de gávdno dáppe 40 čierastanluohká, 20 lifta ja 10 000 nohkansaji. Eajra čearru lea ovttasbargoguoibmi prošeavttas ja čearu oassi lea sámi guovddáš gos beassá oahppat sámiid birra. Guovddáš attálii nai bargosajiid nuoraide, go visot eai čága boazodollui. 

- Dat lea buorre vejolašvuohta min nuoraide joatkit eallit iežamet kultuvrra siste dáppe Eajrás, lahka čearu ja boazodoalu, dadjá Anneli Jonsson.

Prošeakta lea áidnalunddot go ii leat ovdal leamaš dakkár ovttasbargu.  

- Ovdamunni lea ahte ruoŧa kultuvra ja báikeolbmot oidnet ávkki sámekultuvrras ja ahte boazodoallu bistá guovllus. Dan maiddái ahte ipmárdus buorrána dasá ahte mii máhttit ovttasbargat, dadjá Benny Jonsson, Eajra čearu ságadoalli.

Dal álgá bargu ohcat ruhtadeddjiid prošektii mii lea rehkenaston 30 miljuvdna ruvnnui. Doaivva lea sihke almmolaš ja priváhtá ruhtadeddjiid. Golbma jagi geažis galgá leahkit válmmas ja ii leat ballu ahte guovddáš ii geasut gussiid.

- Dal juo olbmot dihtet prošeavtta birra ja mii leat juo ožžon gaskariikkalaš beroštumi, dadjá Anneli Jonsson.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".