Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Ruoŧŧa

Ruoŧŧa álggaha fas vearjogeatnegasvuođa

Publicerat måndag 8 maj kl 08.26
1 av 3
Militärkängor på rad
2 av 3
Foto: SVT
Therese Labba
3 av 3
Therese Labba. Foto: Per Sjöberg/ Sameradion & SVT Sápmi

Ruoŧa ráđđehus lea mearridan fas álggahit vearjogeatnegasvuođa go lea dárbu nannet soahteveaga. Visot 17- ja 18 jahkásaš nuorat besset vástidit lea go beroštupmi suodjalusas ja joatkkaskuvlaoahppi gal ii eahpit.

Therese Labba vázzá nuppi jagi joatkkaskuvllas Gironis ja gullo daidda 178 000 nuoraide Ruoŧas geat dáid beivviid ožžot reivve stáhtas mas jerrojuvvo dearvvašvuođa ja skuvlla birra ja beroštupmi Ruoŧa suodjalusas.

- Birasmáilbmi ii leat sihkar ja ferte dahkat juoidaid Ruŧŧii. Mis eai leat nu ollu olbmot dal ja visot fertejit veahkehit nu olu go manná ja dat lea mu mielas buorre, dadjá Therese Labba.

Ruoŧa ráđđehus lea maŋŋel čieža jagi boatkka mearridan fas álggahit vearjogeatnegasvuođa. Doalahandihte soahteorganisašuvdna dárbbaha Ruoŧŧa 4 000 olbmo jahkásaččat geat čađahit militeara vuođđooahpahusa. Muhtomat sis eaktodáhtolaččat ja muhtomat geatnegahtton. Sullii 13 000 nuora gohččoduvvojit geahčaheapmái, sis válljejuvvojit 4 000 vearjogeatnegasvuođa oahpahussii guokte jagi ovddosguvlui.  

- Norgga ortnet sihke vearjogeatnegasvuođain ja ámmátorganisašuvnnain doaibma buoragit ja dan guvlui sii nai barget, dadjá Peter Hultqvist, ruoŧa suodjalusministtar.

Ruoŧa soahteveaga bajimus hoavda lea duhtivaš vearjogeatnegasvuođain.

- Dát lea buorre lasáhus suodjalussii, dadjá Mikael Bydén.

Ja Therese Labba gal áinnas vuolgá militearaoahpu gazzat jus válljejuvvo dasá.

- Nieiddat fertejit maiddái vuosehit ahte sii máhttet, ahte eai leat beare bártnit geat máhttet visot. Mii, nieiddat nai beassat vuosehit maid mii máhttit. Dat lea gal mu mielas buorre, dadjá Therese Labba, joatkkaskuvlaoahppi.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".