Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Ditt trespråkiga program med Ida Brännström. Vi pratar meänkieli, finska och svenska.

Jääkiekko-ottelut meänmaassa

Publicerat tisdag 25 juni 2013 kl 09.47
Föräldrarna tycker att skridskoåkningen har minskat. Foto: Hasse Holmberg/Scanpix.

90-luvun puolivälissä jääkiekkotoiminta heräsi elähmään ja  harjottelut jään päälä tulit taas olheen jokapäivästä Pajalassa. Met pluuasimma, hikkoilimma ja paleluima vanhaala jääkiekkorinkilä Laestadiuskoulun vieressä. Sielä puusarjitten sisäpuolela mie perustin niin laakituntheen ko asman. Monet laakissa seisoit kohta ensimäsistä kertaa luistimilla ko jääkiekko tuli käynthiin. Silläpä sitä saattaa sanoa ette meän saki oli monesta kohasta ”alikehitynny”. Ensinä meilä oli vain joku peliottelu mutta jälemin met tulima oorninkhiin käynthiin ja pelasimma suomalaisessa ulkorinkkisarjassa.

Jonku aijan päästä rakenethiin jäähalli ja ehot paranit selvästi, vaikka jää ei alusta ollu keinotekosesti jääytetty. Seikkailut suomen puolela annoit vaihtelvia menestyksiä. Tyypilinen jääkiekkoreisu saatto olla ette met lähimä Pajalasta ruottin aikaa, kattoima taas uuesti byssin ainun filmin joka oli ”Pretty woman” ja tulima perile ottelupaikale ja totesimma vielä kerran ette eihään ottelu alkanukhaan ruottin - ko suomen aikaa. Se ei ollu ko hypätä jääkylhmiin luistimhiin ja suorhaan jään pääle, ilman lämmitystä. Suomalaiset pelasit kansa enämpi fyysistä peliä ko net laakit jotako met pelasimma vasthaan ruottin puolela.

Viimistä vuotta jymnaasiassa met saima kolme peluria Kolarista ja Pellosta jokka vahvistit meän laakia hyvin. Met olima kohta ummikot ruottalaiset pelurit eikä meilä ollu sen isompia meänkielentaitoja, sillä meilä ei ollu niin suurta komynikasuunia niinku olis halunu. Aivan turhaansa sitä saattaa aatella koska monet meistä oon kasuhneet ylös koissa missä puhuthaan meänkieltä kotona mutta meitä puhutelthiin ruottiksi.

Viimi vuona ko met olima menossa Kittelfjällhiin piilissä vanhaan laakikaverin, Erkin kansa niin mie käskin Erkin selittää jotaki minusta ko meilä oli takaistuimella pari uutta tuttavuusta. Erkki sano ette Siimoni kerran anto hälle aivotärähtyksen. Mie tietenki hunterasin ette mithään se nyt valehtellee? Juttu oli niin ette met pelasimma niinku aina samassa joukossa ja Erkki seiso syrjälä yhen vastapelurin kansa ja taisteli pykistä. Ko Erkki nosti päätä niin hään näki ette mie olin kovala vauhtila tulossa häntä auttamhaan, vastapelurilta ottamhaan pykkiä. Mutta juttu loppu kuitenki siiheen ette Erkki sai aivotärahtyksen ja kunka vastapelurilla kävi siittä ei muistettu. Yks oli kuitenki varma! Mulla oli kokohnaans kaonu asia muistosta. Sitä saattaa aatella miksi?

/Simon

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.

Användarkommentarer

Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".