SAHAVAARAN TONTTU JA HERMANNI

Julkaistu: fredag 18 november 2011 kl 00:01

Sahavaaran tonttu on takasi Meänraatiossa. Mutta ei ole yksin tällä kertaa. Hällä on asistentit matkassa styytiossa näin ko joulu alkaa lähestymhään.

Ja niinku viimen niin Sahavaaran tonttu ei ole vain siivo, paksu ja hyväntahtonen tonttu - semmonen joulukorttitonttu. Hällä on omaki tahto.
Tämän meinaa Sahavaaran tontun kirjottaja ja keksijä Ann-Kristin Semberg, joka jatkaa asistentitten  Ann-Kristin Lundströmin,  Herman Alavaaran ja Raija Wiinikan kanssa.

Kuuntele koko tarina:

Sahavaaran joulu Hermannin kansa osa 1 Sahavaaran joulu Hermannin kansa osa 1 (9:03)
Sahavaaran tonttu ja hänen asistentti Hermanni.
Onsdag 16 november 2011 kl 10:16 (Meänraatio )

Sahavaaran joulu Hermannin kansa osa 2 Sahavaaran tonttu ja Hermanni.Osa 2 (11:02)
Ann-Kristin Semberg, Sahavaaran tonttu ja hänen asistentit Hermanni ja Hermannin mamma Raija on taas paikala. Saat kuula tontusta näin joulun eelä ko se lähtee ostoksille. Tonttu joka ei ole mikhään siivo joulukorttitonttu. Ja saama kans kuula mitä Hermanni halvais jouluklapiksi.
Torsdag 24 november 2011 kl 15:09 (Magiska skrinet: Maaginen kriini)

Sahavaaran joulu Hermannin kansa osa 3 Sahavaaran tonttu ja Hermanni. Osa 3 (9:02)
Joulu lähestyy ja sen on huomattu Sahavaarassa kansa. Mutta missä itte tonttu? Ann-Kristin Semberg ja hänen asistentit, Herman Alavaara ja Raija Wiinikka jatkava tarinaa.
Fredag 02 december 2011 kl 00:10 (Magiska skrinet: Maaginen kriini)

Sahavaaran joulu Hermannin kansa osa 4 Sahavaaran tonttu ja Hermanni. Osa 4 (9:02)
Sahavaaran tonttu lähtee tänä päivänä kuninkhaan Karl-Gustavin ja Silvian tykö Tukholhmaan. Sielä hän jakkaa hyviä tipsiä ja neuvoja kuninkhaale siiittä kunka pittää suuren talon, linnan, lämpimillä halvala mallin. Ann-Kristin Semberg ja hänen asistentti Herman Alavaara ja hänen mamma Raija Wiinikka jatkava joulun tarinaa.
Tisdag 06 december 2011 kl 15:38 (Magiska skrinet: Maaginen kriini)

Sahavaaran joulu Hermannin kansa osa 5 Sahavaaran tonttu ja Hermanni. Osa 5 (9:03)
Sahavaaran tonttu tullee nyt takasi Tukholmasta kuninkhaan tyköä. Ann-Kristin Semberg, hänen asistentti Hermanni ja mamma Raija on koola. Tällä kertaa puhuthaan kans pimeästä ja pöökäräisistä ja mihinkä kuohleet menevä.
Tisdag 13 december 2011 kl 15:39 (Magiska skrinet: Maaginen kriini)

Sahavaaran joulu Hermannin kansa osa 6 Sahavaaran tonttu ja Hermanni. Osa 6 (9:02)
Jouluaatto lähestyy. niin kans Sahavaaran tonttula. Mutta ko se on Sahavaaran tontusta kyse niin siittä ei tule tavalista joulua. Saama kuula ko Ann-Kristin Semberg, asistentti Hermanni ja asistentin mamma Raija Wiinikka.
Tisdag 20 december 2011 kl 15:40 (Magiska skrinet: Maaginen kriini)

Loppu hyvin,  kaikki hyvin:)
HAUSKAA JOULUA!