E gazeta DN kerdja jekh rodipe te dikhol kobor doktoria avdive keren bange pi buti thaj koborenge ljolpe e legitimacia te na keren maj sar doktoria ano Shvedo. Sar o Socialstyrelsen las e buchi katar o Hälso- och sjukvårdens ansvarsnämnd adjukerolpe but vrama. Per-Anders Sunesson, chef ando tillsynsavdelningen ando Socialstyrelsen, pachal thaj adjukerol kaj trubula te kerolpe maj sig buchi pe kava puchibe kan e pacjentia den po krisi e doktroien.

Shtare zienen huchilde sar pinziarden ke mudarde jeke 19 bershengires på Lönngatan ando Malmö ando agusti o paluno bersh. Kado phenel o Malmöpolisen. Duj anda kodol kaj huchildej si sa kodol duj kaj so beshnas angla kodo andi kadi buchi, phenel o spaningsledaren Bo Lundqvist. Nevi informacia kherel ke kadal duj kaj beshen kerdzile pale zorales aktualni ando rhodhie katar e policia. Intregi shtar ziene si pinziarde pe mudarde manushes, thaj sol shtar penen ke naj kade phenel o Bo Lundqvist. Sol shtar morce sas huchilde zhojine, thaj o rapporto sikavel ke 34, 30 .27 thaj 21 bershenge. Rhodimata ande khera pe duj adressura thaj ande matori sikavel ke sas vapen thaj narkotika

TT

O Svedo zial po injato than katar o deszto khaj sas o paluno bersh pe organizaciaki OECD välståndsligal. Kodo si sar jek lista pe thema kaj inkren lashi ekonomia thaj ginaven o BNP pe manush ando them. O Svedo kaj naklas o finansovo krisiso dosta mishto, naklas e Australia thaj Kanada. Ferik ke pe jek numero maj thele si o Danmark kaj si o ohtoto than, skirij o Dagens Industri.

E Åklagarmyndighetens themeski gruppa karing o korrupcia kezdisarde jek rhodhipe karing e Gävles socialdemokratiska kommunalråd e Carina Blank, thaj karing jek kaver kommunalno buchari.

Arachi agorisajlas o kidipe ando Stockholm o Northern Future Forum. Inja regeringoske sherutne anda skandinaviska, baltiska thaj anda Storbrittanien kidepe. Ande disskusiji sas o angluno pushipe zi kana si te kherel buchi o manush. Po kidipe phenas e politikora ke kamen te araken sar te kheren ke ferik so maj but pensionerura kerdzion. Baro debbato sas ando Svedo kadi vrama ke o Fredrik Reinfeldt vorbias ke te khreres buchi zi kaj e 75 bersh. O Reinfeldt phenel ke chores acharde leski vorba.

E organisacia e Gröna bilister phenen ke o diesel maj chori pe natura sar kaj but ziene gindon, thaj ke thela jivend maj zurales dukaven e matori kaj zian po diesel e natura. Thela paluno bersh bikinzile maj but matori kaj zian po diesel sar varekana ando Svedo, thaj kadal bersh sas bari reklama po "miljödiesel" diesel kaj lashoj e naturake katar e olejeske firmi

Kado bersh kamen sherutne anda svensk handel te biris o mobiltelefonosa te pochinens. Kado csinardov e handloske kosti, kaj sako bersh pochinel cirka 10 - 15 miliardura koroni ande pochinimata kana e kundura hasnin kartchi sar Visa vaj Mastercard. Unji anda kadal nevi techniki avna kopplovani kaj e bankoski kartcha aj trobuja te avel nevi mashinka ande bolta kaj ginaven les thaj unji techniki chi trobuja kanchi nevi, ferik ke csirdea e love direkt pa konto.

Trine anda shtare terne studenton dhukal o shero maj thele jokvar ando kurko. Thaj sako trito dukhal les sako djes. Kado sikavel jek studia kaj kherdij pe studentura kaj phiren katar e shovto zi kaj e injato klassa thaj o dujto bersh ande gymnasia ande Upsala thaj Östhammar.