Isniintii ayey markii guri la baarayey oo ku yaal xaafadda Husby ay boliisku toogasho ugu dileen nin. Boliisku waxay ku doodeen in dilka ninkaas uu ku yimid in ay khasab ku noqotay in ay isdifaacaan. Boliisku kaloo wuxuu sheegay in ninkaas 67 jirka ah uu watay middi. Kadib markii ay u arkeen in ay xaaladdu halis tahay ay toogteen.

Siyaasi ka tirsan xisbiga Bidixda oo lagu magacaabo Daniel Sestrajcic ayaa boliiska u soo gudbiyey ashtako ku saabsan in xisbiga Mooderaatka ee Malmö oo sharaftiisa meel uga dhacay markii ku eedeeyey in uu yahay nin yuhuudda neceb. Taasina ay dambeysey kadib markii uu ka qaybgalay bannaanbax looga soo hortjeedo in Israa’iil ay ka qaybgaleyso tartanka heesaha ee Eurovision.

Xarun qaxooti deggan yahay oo ku yaal magaalada Oxelösund oo horay looga cawday ayey hadda Hay’adda Socdaalku go’aan ku gaartay in la xiro. Wargeyska Södermanlands Nyheter wuxuu qoray in sababta ugu weyn oo loo xirayo xaruntaas ay tahay dadka magangelya-doonka ah oo soo yaraaday, sidaas darteedna aysan jirin baahi loo qabo.

In kastoo guud ahaan ay jirtay dhaqaale xumaan, ayuu haddana xiisaha loo qabo isqurxinta  cirka isku shareeray. Shantii sano oo ugu dambeysey waxay dadka goobaha isqurxiska taga kordheen boqolkiiba 50. 

Soddomeeyo dawaco oo bakhti ah ayaa laga helay agagaarka waddo ku taal aagga Sysslebäck oo ka tirsan gobolka Värmland. Boliisku wuxuu tuhunsan yahay in dawacooyinkaas sharci ahaan loo ugaarsaday, laakiin markii dambe si habboonayn loogu soo daadiyey waddada dhinaceeda.

Waxaa magaalada Malmö lagu xiray qoys lagu tuhunsan yahay in ay qaranka ka khayaaneen lacag kor u dhaaftay 6 milyan oo karoon.

Khayaanadaan oo ka dhalatay kadib markii aabbaha qoysku iska dhigay nin xanuunsan oo ay xaaskiisa iyo gabadhoodu lacag ku qaateen in ay u noqdaan xannaaneeyaal gaar ah.

Cayaartii xalay dhexmartay Iswiidhen iyo Kanada oo ay ugu tartamayeen simifilnaalka ayey Iswiidhen ku badisay 3 gool halka Kanada ka dhalisay 2 gool. Sidaas ayeyna kooxda Iswiidhen ugu gudubtay simifinaalka tartanka cayaaraha ishockey-ga adduunka oo hadda Iswiidhen ka socda. Waa kuwaan weriyayaasha idaacadda Radiosporten oo cayaarta ka faalloonaya:

Buug dhowaan soo baxay ayaa lagu qoray in lixdii sano oo ugu dambeysey la la’aa dhallaan qaxooti ah oo tiradoodu kor u dhaaftay 800 oo ruux meel ay saan iyo cirib ka dhigeen Iswiidhen. Hay’adda Socdaalku waxay soo gudbisay in la waayey dhallaan gaaraya ilaa 1200 oo qof, laakiin gadaal laga helay 400 oo ka mid dhallaankaas.

Dowladda waxey dooneysaa in ay kontorool dheeraad ku heyso hubka, maraakiibta iyo gaadiidak ay ciidaanka difaaca soo iibsadaan, sidaas darteedna waxaa loo saarey gudi ka soo baraan dega sida arintaas dowladda ugu suurtogeli karto, si ay ayado u lahaato go'anka qalabka ay tahay in ciidanka soo iibsadaan mustaqbalka halka hada ay taas go'aansadaan ciidanka difaaca.

Habkee ayaa lagu qaataa, lagu diiwaan-gashadaa ama lagu dalbadaa caddeeynta muwaadin-nimada dalkan Iswiidhen? Halka dhanka kale dhowaantan lagu soo bandhigey xarunta madaxtooyada fikir wax looga bedelyo xeerarkii jiray.

Taageerada dadka Iswedhen ay u hayaan ku biiritaanka Nato ayaa korartey, sida ay muujineyso afkaar aruurin ay sameysey Sifo oo ah shirkad sameysa baaritaanada una sameysey wargeyska SvD.

Dadyowga shilaalka biyo ku hanfashada ah  geeriyooda ayaa waqtiyadaan soo badanaya. Bishiiabriil sannadkaan gudahiisa keliya ayaa waxaa shilaalka hanfashada ah ku geeriyoodey 17 ruux taas oo noqoneysa kordhitaan aad uga badan sannadkii hore isla xilligaas, markaas oo ay hanfasho ku geeriyoodeen keliya sagaal ruux sida aan uu wariyey SVT Nyheter.

Iskuulada qaaska loo leeyahay ee albaada layskugu dhufto bariyahaan ayaa soo badanaya. Sidaas darteed dhankale ay soo badaneyso dalabyo la doonayo in sharciyada quseeya iskuulada wax laga badalo si loogu qasbo shirkada qaaska u leh iskuulada in iskuulka furnaado si ay ardeyda inta ay ardeydo ka dhameysaneyso waxbarshadooda. Dadka sidaas dalbanaya ayaa waxaa kamid ah ururka ardeyda Iswedhen Sveriges Elevråd.