Futbol li Swêdê yek ji wan sporên herî pirçandî tê hesibandin. Hejmarek zêde ji lîstikvanan ciwanên bi eslê xwe bîyanî ne. Lê dîsa jî hejmara antrenorên kokbîyanî di nav futbolê de kêm e. Klûbeke ku di vî warî de jî gavên mezin avêtine klûba Stockholmê AIK ye. Em çûn serdana Akademîya Ciwanan ya Klûba AIK li Solna û hevdîtinek bi serekê antrenorê akademîyê Elias Mineirji re kir.

Dema wezîrên darayî yên yekîtîya ewrûpayê doh li Brukselê kom bûn û di nav wan de wezîrê darayî yê Swêdê, Anders borg jî, pirsa ku Yûnan dê dest ji euroyê berde êdî hizirbar bû.

Daîreya Rêvebirîya Civakî (Socialstyrelsen), Enstîtuya Enstîtuya Parastina ji şewban û Enstîtuya Dewletê ya Tendurustîya Gelî jî di nav de duwanzdeh daîreyên resmî hilweşînin û di şûna wan de çare nû ava bikin.

Ev pêşnîyaza lêkolînerê hikûmetê Stefan Carlsson e ku îro encama lêhûrnêrîna xwe pêşkêş dike. Bi raya Carlsson ji bo berterefkirina pirsgirêkên guhpêdanê ev guhertin pêwist in.

Fona pareyan ya navnetewî, IMF, ku serdana xwe ya Swêdê ya salana bi dawî kir, notek erênî da siyaseta fînans û pareyan ya swêdî. Lê di heman demê de IMF hişyariyek jî dide ku Swêd li beramberî frênkirineke mezin ya aborî ye, ku dê di encama vê de îxracat qels bikeve û mezinbûna aborî dakeve navbera ji sedî sifir û yekî. Her weha bi berdewamî xurtbûna krona Swêdê jî weke problemek tê dîtin.

Hêza taybetî ya polêsê Swêdê bi armanca pêşîlêgirtina tewankariyên aborî serê vê sibê li herêma Värmlandê avêt ser çend adresan. Lokala çeteya motorsîkletê Hells Angelsê ya li derveyê bajarê Karlstadê yek ji hedefên polêsan bû. Li gorî agahiyên ji polês çend kes hatine girtin. Di operasyonê de her weha Daîreya bac, Meqama li dijî tewankariya aborî, Daîreya îcrayê û hêza operasyonê ya polêsê Bergslagen jî beşdar bûn.

Darezandina rêzenîşanderê şikdar yê li Malmöyê Peter Mangs, ku duh destpêkiribû, îro jî bi guhdarîkirina mexdûrekî sereke re berdewam kir. Peter Mangs bi rêya parêzerên xwe dide zanîn ku ew hemû îdîa û sûcdarkirinên dozger yên li hemberî xwe înkar dike, tevî ku dozger gelek delîlên ku dikare wî bi kuştina sisê kesî û birîndarkirina jimarek kesên din re girê bide.

Nivîskar û lêkolîner Birgitta Almgren ku li  ser swêdiyên bi îstîxbarata Almanya Rojhilat Stasi re hevkariyê kirine pirtûkek nivîsandibû di çarçoveya lêpirsîna tawankariyê ya li hemberî wê de vebûye îro îfade da. Ji Birgitta Almgren şik tê kirin ku wê, ew sonda nehênîtîyê ya ku dabû, dema li ser arşîva Stasi ya îstixbarata swêdî Säpoyê lêkolîn kiriye, bicîh neaniye.

Dozgerê dadgeha destpêkî ya îdarî Fredrik Ingblad hefteya pêş me dê temamiya lêpirsîna ku meşandiye bişîne ji Mifetişê hikûmetê yê hiqûqî re bişîne. Mifetîş, ango Justitieskanslern, dê binirxîne ka gelo divê doz li hemberî Birgitta Almgren were vekirin an na. Heger sûcdar bê dîtin dê Almgren karibe bi cezayê pare an jî bi salekî girtîgehê bê cezakirin.

Polêsê sînor yê Swêdê penaxwazekî ji Çeçenîstanê ji parêzerê wî veşart. Piştî biryara sînorderkirina penaxwaz Emlikhan hat dayîn polês daxwaza wî ya dîtina parêzer red kir, tevî ku ev li dijî qanûnan e. Emlikhan alîgirekî gerîllayên çeçenî ye û heger were şandinê Rûsyayê dikare were îşkencekirin û wendakirin.

Hikûmeta Swêdê dixwaze cûdakariya li ser bingehê temen di hemû beşên civakê de were qedexe kirin. Îro qedexa cûdakariya temen tenê di beşa bazara karî û xwendekariyê de derbas dibe. Lê bi qanûna nû re dê cûdakarî di tendrûstî û lênêrîna nexweşiyan de, xizmeta civakî, sîgorta civakî, sîgorta bêkariyê, alîkariya dewletî ya xwendekarîyê û girtina karên sektora fermî de jî were qedexekirin.

Jimara kesên teqawidbûyî yên hemwelatiyên Swêdê ku bar dikin derveyê welat zêde bûye. Sala çûyî 1267 hezar kesên li derveyê welat ji Swêdê pareyê teqawidiyê wergirtin. Ev bi sala berê re qiyas zêdebûnek bi sedî sisê ye, radighîne ajansa TT bi jimarên ji Meqama Teqawidiyê (Pensionsmyndigheten).

Lê berya ku bar bikî welatek din girîng e mirov zanibe çi cûre şert û qaîde derbas dibin. Mirovek ku bar bike welatekî derveyî Yekîtiya Ewrûpayê dikare weke mînak pareyê teqawidiya xerentiyê wenda bike û dibe ku mirov neçar be li welatê nû sîgorteyên nû çêbike ji bo karibe bibe xwedî mafê lênêrîna nexweşiyê.