Manalaiset, eeliäiset, noijat, kalmalaiset ja kaikki muut mystiset, jännittävät ja aika vaaralisetki tyypit kuuluvat Meänraatiossa.

Birger Winsa on koonu kansan tietoa tornionlaaksolaisten, lantalaisten ja saamelaisten mytoloogisesta mailmasta ja kertoo juttuja lapsile. Birger pittää ette kertomukset on tärkeä viä uuela polvele. Net kantava kieltä ja kulttuuria. Sen lisäksi meinaa Birger ette mytologia selittää miksi mailma on semmonen ko se on.

Birger Winsa puhuu manalaisista Mosebacken tarhan lapsille. Tarkkakorvaiset kuuntelijat ovat Ursula Nordgren, Emil Sommer, Noa Wallin-Casserdahl.

Hasse Stenudd vie sinut Nalle Puhin ja hänen kaverittensa mailhmaan. Hän on kääntäny meänkiehleen AA Milnen Winnie The Pooh-tarinoita ja selittää kans.
6-osainen ohjelmasarja on uusinta vuodelta 2006.
Kuulet:  I-orin syntymäpäivästä ja Kängu ja Rusta

Nalle Puhin pilvilaulun esittää Kalle Fält.

Sahavaaran tonttu on takasi Meänraatiossa. Mutta ei ole yksin tällä kertaa. Hällä on asistentit matkassa styytiossa näin ko joulu alkaa lähestymhään.

Ja niinku viimen niin Sahavaaran tonttu ei ole vain siivo, paksu ja hyväntahtonen tonttu - semmonen joulukorttitonttu. Hällä on omaki tahto.
Tämän meinaa Sahavaaran tontun kirjottaja ja keksijä Ann-Kristin Semberg, joka jatkaa asistentitten  Ann-Kristin Lundströmin,  Herman Alavaaran ja Raija Wiinikan kanssa.

Kuuntele koko tarina:

Hasse Stenudd, Jellivaarassa jakkaa nyt äpyliä niin kläpile ko täysile ko hän selittää vanhaan kansankertomuksia Suomesta.

Sveriges Radio/Meänraatio aukasee taasen Maagisen kriinin joka tällä kertaa tarjoaa meänkielisiä kertomuksia nykyajan lapsista ja heän iloista ja suruista. Viis eri tornionlaaksolaista on kirjottannu itte kuki yhen uuen jutun joka soppii niin kläpile ko raahvaile. Nämät löytää niin raatiosta ko webbiltä.

Ohjelmat kuuluvat Meänraatiossa/Sisuradiossa viis viikkoa peräkkää ja alkavat
tiistaina 15/2 kello l7.50 P4 Norrbottenissa/Sisuradiossa.
Repriisin kuulee jokhaisesta ohjelmasta tuorestaina Sisuradiossa kello 08:50 ja P2:ssa ja P6:ssa 16.50.

Jokhainen ohjelma on jälkhiin ko se on lähätetty raatiossa kans meän webbisivula.
Sieltä sen pystyy nouthaan mp3-fiilinäki.

Kuvat/illustration: Ingrid Flygare

 Läs  mer: Nya berättelser om samtiden

Anton Raukola kertoo manalaissatuja Torniolaaksosta. Kymmenen tarinaa, jotka Anton on kirjoittanut meänkielelle

Mikael Niemi on kirjottanu tyttärestä jonka murfaarin suuri toive on ette tyär kerran pääsee lehtheen sen takia ette se väylästä saapi issoiman kalan. Mutta kalamatkala on käymässä pahon ja murfaari oppii kunnon läksyn.
Apu on yllättävä ja hullunkurinen, niinku Mikaelin kertomuksissa ussein pruukaa olla. Ja semmosenna kirjailia Mikael Niemi on tunnettu, aina "Populärmusik från Pajala"-romanista saakka.

Inga-Britt Uusitalo on kääntäny saun.
Lukija on Elina Iskasson Kruukka.

Marita Mattsson-Barsk selittää Juliasta joka kauhistuu siittä ko vanheemat meinaavat työn takia lähteä Aafrikhaan ja siksi jättää tyttären mummun tykö Tornionlaaksoon kesäksi.

Mitä Mäntyjärvessä tekkee kesän ei ymmärä Julia. Mutta ko kesä on menny niin on syntyny villiä muistoja ja Julia on saanu kaverin.
Marita Mattsson-Barsk on bibliuteekinhoitaja Haaparannalla ja kans kirjottaja.

Regina Veräjä kertoo päivästä jotako on vain yks ainua elämässä - päivä ko alkaa oikehaan kouhluun. Mutta saapiikos koulussa jatkaa olheen semmosenna ko sitä on ollu siihen päihvään saakka - vaikka poikana lähtee sinne kläninki päälä?

Regina Veräjä on monipuolinen kulttuurityöntekijä ja kirjottaja Pajalassa.

Mona Mörtlundin kertomuksessa on kysymys vaikeista tuntheista ja asioista.
Minnan muffa on kuolu ja hänen mamma on niin ikävissä. Minna yrittää päästä pääle kunka hän saisi mamman ilosemaksi - ja viimen hän onnistuuki.

Mona Mörtlund on kirjailia joka assuu Luulajassa.

Anton Raukolan kertomuksen päähenkilöt on Nille ja hänen harakkakaveri Börje.
Nillen suuri into on ette koota kiviä. Siittä ei kaikki tykkää. Mutta se selviää ettei se niin hullu hommaa olekhaan.

Anton Raukola on töissä Norrbottensteatterille Luulajassa.

Viiessä ohjelmassa kuulet merkilisiä, mystisiä ja maakisia kertomuksia tosi elämästä Tornionlaaksossa.

Lapset saavat nyt kohata  eläviä ihmisiä joilla on yliluonnollisia lahjoja - verenpyssäyttäjiä, parantajia jotka ossaavat puhuu elläimitten kanssa, ihmisiä joilla on yhteys toisen tason kanssa olemisessa.
Maakisen kriinin tekijät: Gun Olofsson ja Regina Veräjä.

Kertomukset lähätettiin oktuuperissa 2004.