KERTOMUKSIA KLÄPILE meänkielellä/torniolaakson suomela Ruottin Raatiossa
UUSIA SELITYKSIÄ LAPSILE MEÄNKIELELÄ
RUOTTIN RADIOSSA
Viiessä ohjelmassa kuulet merkilisiä, mystisiä ja maakisia kertomuksia tosi elämästä Tornionlaaksossa.
Lapset saavat nyt kohata eläviä ihmisiä joilla on yliluonnollisia lahjoja - verenpyssäyttäjiä, parantajia jotka ossaavat puhuu elläimitten kanssa, ihmisiä joilla on yhteys toisen tason kanssa olemisessa.
Kertomukset lähätettään 7. oktuuperia alkaen:
- tiistaisin Päivän tiimassa kello 17.50
- P4 Norrbotten ja Sisuradio
- torstaisin Roketissa kello 8.50 ja 16.50/
P2 ja Sisuradio
Maakisen kriinin tarinat pystyt kuuntehmaan jälkhiin jokkaisen lähetyksen kotisivulta ja lathamaan ittelles mp3-filiinä.
MAAKINEN KRIINI OSA 1
7/10
Kunka raatio - keskelä yötä ja aivan ittestä - saattaa alkaa soihmaan? Jaa... tiesi vain, mutta tämmösiä kummia tapahtuu Johansson-Närvän kotona, vanhaassa kartanossa Vikkuriniemissä.
MAAKINEN KRIINI OSA 2
14/10
Veri vuotaa mutta plosterit on loppunheet - kunkas tässä tekkee? Maakisessa kriinissä löytyy semmonen mies joka toppaa verentulon omila konstila.
MAAKINEN OSA 3
21/10
Oleks koskhaan saanu pois eksemin (ekseemin) mullala? Eli vain sanoila parantanu päänsärkyn (päänsäryn)? Maakisessa kriinissä kuulema parantajista, net jokka omila tempuila ja voimila parantavat asioita.
MAAKINEN KRIINI OSA 4
28/10
MAAKINEN KRIINI OSA 5
4/11
Gerda kertoo hänen tosiunista. Veri, paska eli pikkuraha - saattavatko vissit uneet sanoa mitä tullee tapahtumhaan ko olema herälä? Siis tosiunia, oonko niitä olemassa?
ELÄ UNOHA KUUNNELLA:
KERTOMUKSIA KLÄPEILE
Aprillina 2008 Sisuradio/Meän raatio lähätti kertomuksia henkimailmasta meänkielelä. Ohjelmissa muistava täyvet ihmiset lapsile heän kokemuksia henkimailmasta, osa itte koettuja asioita , osa on perintheelisiä.
EELIÄISETMaakinen kriini. 1. osa
Onkos sulle sattunu semmosta ette olet alkanu fasteria hunteeraahmaan ja sitten soonki soittanu ja tarjonu sulle verestä pullaa? Olikhaan se eeliäinen?
TÄRKEITÄ TIETOJA LUONOSTA
Maakinen kriini. 2. osa
Oleks sie joskus saanu tärkeitä tietoja luonosta, vaikka kyyhkyselt eli varekselta?
TONTTU JA HALTIA
Maakinen kriini. 3.osa
Mikä sielä vilahti? Ja .... sammutti valot hallista. Enkö mie ole yksin täälä styytiossa? Kuulema haltioista ja tontuista.
NOIAT
Maakinen kriini. 4.osa
Mikä se noita on? Maagisesta kriinistä puhuma semmosista jokka pystyit authaan ja suojaahmaan ihmisiä - mutta kans panheen kirouksen meän perhään jos met emmä käytä sitä apua oikein.
HALTIAT
Maakinen kriini. 5.osa
Nyt kuulema köyhästä perheestä joka sai maahiaisilta lehmän ja mitä sille lehmäle tapahtu ko sitä lypsethiin liikaa.
Tällä kertaa maakisessa kriinisessä voimista jokka suojaava meitä - haltioista ja maahiaisista.
sverigesradio.se/barn/magiskaskrinet -kotisivulta löyvät vastatehtyjä kertomuksia lapsile kaikila Ruotsin minuriteettikielilä:
ja
