Tamiflu avri zial anda peski vrama

Pravjie dopash anda Swedosko lageri kaj si len la medecinasa Tamiflu zial avri anda pheski vrama ando Februari 2010. De buth bersh aba khindasas o Swedo e medecina Tamiflu te aven aba ghata te avilov varesoski pandemia ando Swedo ale`akanak khana truboja pe influensa H1N1 zial avri anda peski vrama ale o Anders Tegnell po socialstyrelsen phenel ke sajek shaj ozivalin la ke maj dur sa kodo efektoj ande lathe.

Anda 1,6 milionora pachki Tamiflu zial avri ánda vrama 725 000 ando Februrai 2010 ale ke khado chi kherel ke shaj avel riziko te avel o Swedo bi medecinako. Te den maj dur e medecina kaj zial avri anda peski vrama le manushenge atunchi site lel pe peste o them kodi responsobilita te avna varesoske chore righahke efektora lathar thaj trobuna te pochinen le manushenge skadestånd. Kaver propozicija si te anaven neve pe jekh koshta 100 milionora koroni vaj thena te len o substanso anda phurane thaj te kheren neve anda leste pe dopash kodol love sar te khinen neve ale kado o regering site phenel sar te kheren ale vaj anaven neve vaj kheren anda phurane neve sajek zorales kuch avla le themeske.