O azilantia save garavenpe shaj te ljen vakcian prekalji baljeski influenca

Ano oktobari masek adjukerolpe e vakcina savi ka arakhol e manushen ani Svedska kotar e baljeski influensa.

Akana kerolpe gatisaripe kotar o landstiget sar ka realizinolpe akija buti. O Svedo  kindja vakcine sarijenge, thaj on ka aven bi lovengo, dolpe informacia kaj hem o manusha save avdive adjukeren ano azili thaj save garavenpe hem ljen ka ovol shansa te ljen vakcina te shaj arakhenpe kotar o virus, baljeski influensa.

O Göran Stiernstedt savo itano sefi e satibasko ane Svedske komune hem landstinget, SKL, phenol kaj on gndindje hem po manusha save garavenpe ani Svedska sar so mothovol o zakoni.

Sarien isi shaipe te ljen vakcina tahj hem odoljen save garavenpe te na irinenpe napalal ani Svedska. Tu savo garavetut shaj te dja ki naj pase vårdcentar/ambulanta te pucetut te lje e vacina, nane so te daran amen isiamen jekh buti te da sarien vakcina prekalo baljeski influensa thaj odoljestar shaj bi darako te aven phenol i e Elaine Nilsson savi si sefi po puchibe e azilantiengo ano Norrvikens Vårdcentral i Sollentuna.

E Informacia kotar i vakcina savi ka dolpe ani Svedska o landstinget phendja kaj ka dol  ano 16 diferentne chibja so ka ovol po kolaj odoljenge save na djanen svedski te haljoven e infomacia kotar e vakcina prekalo baljeski influensa. Phedja amare kolegonge o Göran Stiernstedt kotar o SKL.