Nasul hiri pa e vaccina

E Balengi influensa dzal maj dur pe intregi ljuma thaj pasha kado len pe nasul hiri pa e vaccina.
But hiri so dzan pa vaccina dzal avri ke sa kado si jekh konspiracia pe sa e manush pe intregi ljuma thaj ke kadalesa si jekh dar te lel pe e vaccina.

Kadi hira avel e manushenge po sms thaj po mailo thaj e hira si ke o vaccina si te hasajven but manush pe ljuma.

Pala kadal hiri daran but manush te len e influensa thaj e Sahar Handhal so si bolnicako kommunikatoro phenel ke but manush daran katar e vaccina thaj chi kamen e vaccina. Voj phenel e manushenge ke konik chi dzanel but pa e vaccina thaj ke kadi konspiracia si hohajipe.