Trakaseria ande swedicka Shkoli
Buth shavora kaj si trakasovani / mobbade ande shkoli chi pachan ande sikamne ke shaj te den len zutipe, ke khana phenen phenge sikamnenge ke varekon trakasoli len ande shkola le sikamne chi len kado po baro thaj shon sa thela colo.
Kado si jekh anda bare problemura so dhiklas o Skolinspektionen khana kherdas jekh rodipe ande 50 shkoli te shaj zianen sar kheren le shkoli buchi khadalesa pe trakaseriji / mobbning.
O Skolinspektionen khamel khadalesa te sicharen le shkolen sar te reagulin khana phenen lenge le shavora ke trakasovani, te shaj ashaven kado.
Buth anda shkoli najle rutini thaj chi zianen sar the kheren khana shavora trakasovani ande shkoli. Ande buth shkoli nas le shavoren possibilacija te sichon pa trakaseriji ande shkola thaj kodo sakone shavores site avel. Ande sako shkola khana den pe dosh vaj purin lenge le shavora ke si trakaseria maj anglunes site ashaven thaj khotar phala skurto vrama site dhiken chi maj dur si vaj chaches ashade e trakaseria.
Le shavora phenen ke zurales holajven pe phenge sikamne ke chi len kado po baro ke vi khana phenen lenge pa kado problemo naj chi soski diferencia.
