Naj hulade jekhimassa le bersh mashkar le kandidatura

O Svedicko Radio las kathar o SCB, o Statistiska centralbyrån, statistika pa sa le kanditatura  kaj o parlamento thaj o kommunfullmäktig. E statistika sikhadas ke le bersh mashkar lende naj hulade jekhimasa thaj ke za cera reprezentacia si kothe le maj purengi thaj le maj ternengi.

Mashkar le 5 500 kandidatrua kaj o parlamento, maj buthe anda lende sas andel mashkarune bersh. O Folkpartiet thaj le Krisdemokratura sikhadjon sar kodl savende si le maj cera terne, numa so si len, si buth manush save si opral le 65e bershenge,  14 procenti, sa po sa. Kaj o Folkpartiet, maj cera saj jekh deshto si manush thela le 30 bersh.

Jekh anda le maj pure kanditaura si e Barbro Westernholm, savi si parlamentosko reprezentanto anda Folkpartiet, savi pherdol 77engi kado bersh. Voj pachal ke o njerishago kadalesa si ke kaj shaj hulavelpe o zhanipe so naklas o manush thela trajo thaj o pinzharipe so si la. Maj buth andal terne po baloto si kaj o Vänster thaj Miljöpartiet. Jekh anda kadala si kaj o Vänsterpartiet, e Lena Tjäder, anda Luleå. Voj pachal ke voj cirdel jekh lasho kothor andal le ternen te shuven phengo glaso po Vänsterpartiet.

Kaj o Vänsterpartiet, kethanes kusa o Miljöpartiet, 15 procenti anda lenge kandidatura si thela le 30 bersh- Kaj o Folkpartiet palem si 10. E Barbo Westerholm penel ke kado naj dosta mishto, ke torbon terne jakhengo dikhipe thaj kamlov te sikhadjol thela lako trajo maj lashe siffri pe kado kaj o Folkpartiet.