Maj cera kandidatura so bijandjile avral o Svedo si kaj o Centerpartiet

Jiva o Centerpartier thela kadal duj bare alomatha dine phengi vorba ot te vazden e kandidacia manushenca saven si anklipe avral o Svedo, lenge siffra cinjilas kusa manushenca so arakadjile avral o Svedo. Kado sikhavel jekh rodipe so kerrdas o SCB pala o amngipe kathar o Svedicko Radio.

E Statistika kathar o SCB, o Statistiska centralbyran, sas dino kathar o Svedicko Radio te kerren rodipe pa le 50000 manush save si pe le partjiango balato andel kommunogo alope thaj pe kodol kandidatura kaj o parlamento, save si karing 5 500 zhene, kas dine opre le partji kaj o valmyndigheten pe alope ando 2010. Andel bersh 2002 thaj 2006, lashardas o SCB sa kasavo rodipe le Svedickone Radio.

O Muharrem Demirok, ando kommulrådet kathar o Linköping, kaj si ando Centerpartier chi chudijpe kathar kado. Vov penel ke andal le Centerpartieske partjara, maj buth trajin pel gava kaj naj buth manush kaj si themara. E Milia Domurat, jekh Romnji si po balato kaj o Svedicko Parlamento kathar o Folkpartiet penel ke o Centralpartiet varikana sas le gavengi partia thaj lengo fokuso kothe sas. Ande le parlamentosko alope, 5 procenti anda le Centerpartieske kandidatura si save bijandjile avral o Svedo- Mashkar kodol kandidatura save si ande kommunko alope, o procento le manushenca so bijandjile avral o Svedo si inke cera, 4 procenti. Kaj o Centerpartiet dazhe si maj cera kaj o Sverigesdomkrater. Kaj sa le kaver partji si maj buth kandidatura so bijandile avral o Svedo thaj kaj le zeleni-lole partji si maj buth sar ke le chache rigake partji. Kaj o Vänsterpartiet si maj buth kusa 15 procenti, kana shuthinoj pasha le 16 procenti pe sode manush si sa po sa. O Peter Strömblad, statsvetare po Institutet för framtidsstudier thaj o Linnéuniversitetet, penel ke kana naj hunji manush reprezentovani andel bare deciziji politichni atunchi kado si jekh bari dukhum le demokraciake.