Nationalno

Mursh astardo anda pushkajimata ando Malmö

E policia astardas jekhe 38 bershenge murshes so e policia ghindoj si kodo kon delas pushke manushen ando Malmö. O mursh beshel akanak anda jekh mudaripe thaj efta pushkajimata pe manush.

Tela o paluno bersh sas mashkar 50-60 pushkajimata amndo Malmö thaj mashkar kadal sas 15 so chi birijas konok te phenel sostar von sas kerde.

E manush so sas pushke dine sas manush so mezinas sar imigrantura thaj e pushkajimata sas khatar jekh pistolo.

Vi te si o mursh astardo si inke but buci e policia musaj  te kerel, phenel o länskriminalo anda Skåne o Börje Sjöholm.