Surut mastaceggema geažil
Ruoŧa Girdinjohtolatdoaimmahat áigu girdiid sihkkarvuođa dihte hukset anteannastašuvnna Badje Sohpparii ja Girona gielda lea mieđihan huksenlobi. Muhto gilis moitet olbmot huksema garrasit ja gieldda huksenlobimearrádus lea váidon.
Okta sis geat moitet lea Henning Johansson guhte atná váidalahttin go Girdinjohtolatdoaimmahat ii leat dieđihan anteanna suonjardeami birra.
Anna Blind lea maid moaitán váilevaš dieđiheami sihke anteanna ja suonjardeami birra.
Girdinjohtolatdoaimmahaga Ingemar Eriksson dadjá dábálaš dákkár huksenlohpeohcamušas lea ahte gielda dieđiha báikki olbmuide huksema birra, muhto dadjá maid ahte girdinjohtolatdoaimmahat livččii mielainis boahtán dieđihit jus beare soamis livččii sihtan dieđiheami.
Ingemar Eriksson dadjá maid ahte suonjardeapmi dán anteannastašuvnnas lea nu unni ahte ii boađe lasihit suonjardeami gilis.
Kjell Marainen
Sámi Radio
0980-750 29
