nationalno

Terroristo ando Thailand sha avel Svedisko

E policija ando Thailand arakle perdo tovaro te sha kerel o manuch bombi. Von arakle kado pe jek adrosso dino katar o murch anda libanon kaj siles Svedikso passaporto kaj sas lino katar e policia kado kurko.

Pe adresso o policija arakla o tovaro kaj buchol karbamid aj ammoniumnitrat, anda kado shaj lashares bombi.

But tema vasda pengo kontrolli pe manuch kaj traden pe vaccia ando Thailand aba om ministro ando Thailand penel ke chi trubol ke si le len kontrollo.

O Svedisko ambassadoro ando Bangkok keren dikipe pe soste si kaj o mursh kado Svedisko passaporto, o utrikesdepartementet inke chi janen te si o mursh ramome ando svedo. O Tobias Nilsson kaj si pressansvarig pe o UD penel ke vorta akana jal dikipe pe e murch sar aj sosko relatsia si le les karing svedo.

O expressen penel ke o murch sas maj anglal frissör ando Göteborg, o gaseto vi sas ando kontakto e mercheski gajiasa kaj trajil ando libanon aj voj penel ke vo gelo ando Thailand te chinel datororia.

O murch sas ansurime ando Svedo de deshoshov berch parpale aj kadja kam si ke leste si Svedisko passport penel o Y-net ando Israel. Aba de desh berch parpale mutchisajlo parpale o murch ando libanon. O myndigheter ando Thailand penel ke o murch siles kontakto karingo o teroristno oragnizatsia Hizbollah penel o Reuters.