Vittankilaiset pelastit pakolaiset pakkasessa

2:11 min

Jos vittankilaiset, kirkko ja Röda Korset (Punanen Risti) ei olis kenkänheet ruokaa ja vaatetta ja pitähneet vaarila niin pakolaiset jokka Vittankhiin tulit ennen joulua olisit nähneet nälkee ja paleltunheet.

Vaikka kylhään tullee 90 pakolaista niin Migrasuunverkilä ei ole kethään vakituisesti töissä Vittangissa läpi viikkoa. Siksi työt on langenheet kyläläisten pääle Vittangissa.

Ko kovassa pakkasessa  pakolaisten asunoista on sammunu valo ja lämmitys katkenu niin silloon Vittangin kirkkoherra Oskar Skoglind on hälytetty paikale. Hän alkaa tähän järjestykseen kyllästymhään.

bertil.isaksson@sr.se