Sámeturismafitnodagat čeahpit muitalit sámiid birra

Lea suohtas gullat go sápmelaččat ieža muitalit dilis birra turisttaide ja olgoriikkalaččaide dadjet Eaŋlándda turistat geat ledje Guhmusa siiddas Rensjönas. Mis lea buorre oktasašbargu Gironguovllu turismafitnodagaigun, go guossit háledit gullat sámiid birra, de sii láidestit turisttaid min lusa, dadjá Ylva Sarri, Guhmusa Sámesiiddas Rensjönas. Ylva Sarri dadjá ahte son muitala sámiid historjjá birra álggorájis go sápmelaččat ledje davviguovllu bivdoálbmot, got boazodollu álggahuvvui ja man viiddis sámi kultuvra lea.