"Ei mithän pahhaa mikä ei tuo hyvvää"

8:52 min

Eva Esberg on opettaja seittemälle ja yheksälle luokale Pajalan peruskoulula ja pittää sen ikävänä ette heän koulu on ollu paljon meetiassa ko kyse on levottomuuesta ja mobbauksesta, mutta hän uskoo ette se tuopii kans hyvvää. Järjestyssäännöt on tehty selvemmäksi ja nostettu framile paremmin ko ennen, hän meinaa. Se ette opettajat ei anna oppilhaile jokka häirittevä konsekvänsiä, se ei pie paikansa, sannoo Eva esberg. Hän seliittää ette eri konsekvänsiä annethan eri tilantheissa mutta myöntää kans ette seuraukset ei aina tule heti. 

- Mie uskon ette kyllä meilä  joskus on liian pitkä se kärsivällisyys niitten kans, hän sannoo. 

Eva Esberg on kans politikkeri kultur- och utbildnigsnämndissä Kd:n puolesta ja näkkee hankaluuksia siinä ko kunta meinaa säästää 3,7 miljonaa kruunua koululta ja uskoo ette se tullee vaikutamhan levottomuuthen.