Viktoria Aidanpää, LKAB prošeaktajođiheaddji "Vägar, gestaltning, återställning och efterbehandling" ja Tor-Erik Huuva, ságadoalli Leaváža čearus. Govva: Per-Nils Idivuoma/Sámi Rádio
GIRONA GÁVPOTSIRDIN
Ođđa ruovderaŧŧi vihahuvvon Gironis
Bearjadaga vihahuvvui guokte beanagullama guhkosaš ruovderaŧŧi Gironis. Leai infrastruktuvra ministtar gii vihahii ođđa máđi. SR Sámerádio Per-Nils Idivuoma čuovui toga mielde Gironvári birra. LKAB ja johtolatdoaimmahat hálidedje vuosehit guovllu politihkkariidda ja čearu ovddasteddjiide. Dát ođđa ruovderaŧŧi goarida guovllu boazodoalu, dadjá Leaváža čearu ságadoalli Tor Erik Huuva.
Ekodukt bohccuide
Dán ekodukta badjel Girona ođđa ruovderaŧis leat 6 000 bohcco Leavážis rasten juo guktii, luksa manadettiin dálveorohahkii ja fas davás giđđat.
"Min eatnamat gáržut"
- Midjide, sámiide ii leat buorre, min eatnamat gáržut. Ruvki stuorru muhto lea dušše buorrin váldit, dadjá Anna Sara Baer, gii leai mielde vihaheamis.
Per-Nils Idivuoma
Sámi Radio
0980-750 30
