nationalno

Muken le duje journaliston

Mukle le duje sweditskone journaliston, o Johan Persson aj o Martin Schibbye. Kado rapportulin but medji. E informacia avel katar o Dina Mufti, kaj si e talesman anda etiopitsko utrikes departament.

O Aftonbladet skirij ke le duj swedura po drommi ande ambassada vaj pe aeroporto.

Vi jek vakto anda temlica pennel la gazetake Dagens Nyheter ke le duj swedura abba avri muklej.

E Dina Mufti kaj si tales man anda etiopitsko utrikesdepartamentet pennel ando SVT ke o bilo premiärminister o Meles Zenawi abba ando Mars kanna sas o World Economic Forum, das peski vorba ke si te muken le duje swedon avri, aj kado pendas vov le Carl Bildtoske, no feri ke kado sas te kerdjol pe le maj traditionalni formi.

Adjess karing le 16:00 si te inkren jekk presskonferans kaj site prezentulin kas site muken avri anda temlica, aj te si kade ke le duj swedura pe kodi listaj, shaj abba navett adjess avna avri mukle.

Tehara, kaj si o nevo bersz ande eiopia, site muken pute manuszen avri anda temlica kothe. Kado lende si sar jek tradicia, te muken avri manuszen kanna si nevo bersz, aj si manusz kaj dinne informacia kaj o SVT ke le duj swedura shaj si pe kodi lista kaj si le manusz kaj sitan avri mukle, sa po sa 1900 zhene. No ferik chi o utrikesdepartamentet, chi o sweditsko ambassadoro ande Etiopia aj chi lengo advokato o Tomas Olsson kamen te den komentarur apa kado.

Shaj avel kade ke chi mukna le avri, o reporteri anda SVT kaj si kothe po tan ando sherutno foro Addis abeba pennel ke le duje journalistongo framtid tordzol aj vazij vaj o bilo presidento kaj mulas, o Menes Zelawis das po agor te skirij le lilla zipun mulas. Te si kade ke chi kerdas kado, shaj inke lela duj trin shon zipun zanasa so zukarel le journaliston.

Kanna site muken manuszen avri anda temlica, keren kade ke len kontakto le familjenca te pennen lenge o loshako atveto, no feri sar si adjess shi shunde kanchi le familji le journalistonge, von pende ke te si kade birin von direkt te traden kothe, lengo advokato pennel ke von chi shon pharipe pe kado aj chinna chi zukaren vareso te avel kadalestar.