Rikspolis chef: "Si jekh registra pe rom"

Akanak mukhel vi o Rikspolisstyrelsen komentari pa e registra khaj si pa e rom ando Shvedo. Rikspolis chef Bengt Svenson phendas khaj o Ekot ke rom sas registirime thaj phenel vi kodo ke vov si holjarniko.

Policia ando Skåne phende ke si jekh registra thaj phende ke kodo naj kerdo khatar intrego policia feri si kerdo khatar jekh manush so kerel buci ande policia.

Vi e Lena Nitz khaj si sherutni ande Polisförbundet si holjaki kana voj shunel ke si jekh kasavi registra thaj phenel ke trobuj te djanel pe maj pa kadi buci.