Paralympics

3:53 min

Duj kurke kodolestar agorisajlas e Olypiako khelipe ande Sotji thaj o Shvedo las 15 medaljura thaj mashkar kadal las o shvedo 2 sumnakune medaljura.

Tehara parashtune lel pe e olympiada kodole manushenge khas si funktionshinder o Paralympics ande Sotji.

Lasse Persson anda Radio sporten si ande Sotji thaj vov phenel ke e Shvedoski grupa zhukarel akanak pe kado khelipe ando Sotji.

Ande shvedoski grupa si 19 aktivne thaj shvedo si jekh anda uni thema khaj andas partecipantura ande sa e 5 sportura, ande alpina, curling, kälkhokey, ländåkning thaj skidskytte.

Paluni data kana sas paralympics ande Vancouver ando bersh 2010 las o Shvedo 2 bonsmedaljura, 1 ande rullstolscurling, thaj 1 ando skidsprint.

Kado bersh chi del pe oficialno ghindipe pe medaljura numa kamel pe te lel pe varisavo medaljo phenel o Lasse Persson.

Vi te naj oficialne ghindura, pachal pe ke o Shvedo shaja te lel varisavo medaljo thaj atunchi birija o Shvedo te lel medaljo ando Curling thaj ando längdskidåkning.

E situatcia si ekcera maj kaver akanak ande Russia sar khaj sas maj anglal thaj o konflikto so si a Ukrainasa si feri 500 km khatar o Sotji.

Kado kerdas ke glasura sas opre vazdine te keren uni thema bojkoto vaj te na mukhel pe e paralympics kado bersh.

E anglishitsko Krajipe phende maj anglal kado kurko ke o prins Edward chi tradel ande Sotji thaj chi e ministrura so sas te traden anda Britania chi traden pe kadal paralympics.

Ministrura anda Shvedo nas te traden pe kadal khelimata numa e princesa Viktoria sas te tradel, numa pala vorbipe kusa UD phendas o Hovet ke voj chi tradela khaj e Paralympics ande Sotji.

Lasse Persson anda radiosporten phenel ke po than ande Sotji chi dichiol kanchi khatar o konflikto so si mashkar Rusia thaj Ukraina feri ke sa e manush so si kote si akanak ande penge olympiadake ghindura.

Tehara parashtune lel pe kadi paralympiada thaj savatone khelela o Shvedo pesko angluno matcho ande kälkhokey, jekh sporto so si zurales popularno ande kadal khelimata