Nationalno

Blake Pettersons shveditsko citizenso sas lino lestar pansh bersh

4:29 min

Adjes si te avel vasdino jekh krisi ando Högsta Domstolen HD so si jekh specialno kris so shocha nas andi shveditska historia. Jekh privatno manush mangel khatar e shveditska tem lovengo kompencatisa pala jekh dosh so o tem kherda kharing leste.

O Clarence Crafoord so si juristo aj cherutno kaj o Centrum för rättvisa phenel sar sas lino khatar o Blake Pettersson lesko shveditska citicenso angla kudo te lel les parpale pala pansh bersh aj kado jal kharing o grundosko sakonoria ando Shvedo.

Sostar sas kado sas pala kudo ke o Blake sas arakadjilo ando Shvedo khatar jekh angleshisko dej aj jekh shveditsko dat. Numa pala but bersh sas o dadesko chachimata sar lesko dat lino tele aj anda kudo vi sas parpale chirdino lesko citicenso ando shvedo.

Tala kado vrama o Blake vuchem pirelas andi shkola ando Shvedo, sas les shveditsko passaporto aj vi sas les gindo te jal ando ketani vaj lumpen aj te avel jekh politcia pe maj angle, numa pala o incidento lesko dadesa o Skatteverket line e decitsia te chirden lestar lesko shveditsko citicenso.

O Crafoord anda Centrum för rättvisa phenel ke kana o tem kherel jekh dosh musaj o manush so si o victimo te lel varisosko compensatsia aj kudo nas shocha dino khatar jekh krisi ando Shvedo.

Vi o tingsrätten aj o hovrätten dine o verdicto ke o tem chi trubun te den jekh lovengo compensatsia kaj o Blake. Akana sa si todino pe o Högsta Domstolen te si ke von acharen ke o tem trubul te del compensatsia pala kudo ke o Blake chasarda pansh bersh pala kudo ke line lestar lesko shveditsko identiteto pala jekh dosh so jekh temesko insatnso kherda.

Akhana phenel o Crafford anda Centrum för rättvisa ke o Shvedo nas kadja dur angle sar khaver tema pe o dikhipe kharing o manushengo chachipe numa tala le ultimo desh bersh le krisa ando Shvedo vasden ke kana si kherde dosha kharing kado trubul  te avel jekh lovengo compensatsia numa ando kado chi gindjol le grundosko sakonoria

Pala kado phenel o Clarence Crafoord ke akhana arisli e vrama te lel jekh desitsia o HD che importantno si e shvedoski temeske o grundosko sakonoria aj sar trubun te aven ginde kharing e manushen ando tem aj naj ferdi kharing e politikoria.

Pe agor phenel o Clarence Crafoord ke vo patchal ke o HD si te paroven e verdictoria so dine le kaver duj krisako instansoria maj anglal aj ke o o logitchno gindo pala  kudo ke jekh manush so naklo kado musaj te lel jekh compensatsia khatar o tem aj o verdicto kana si jekh case so si vasdino ando HD shaj jal ji kaj le duj trin kurke.