Nationalno

Maj zuralo straffo po zuralo maripe

E vrama po straffo kana avel kaj grov misshandel vaj ke zurales dukhaves manushes vazdas cirka kusa duj shon de sar zurarde o straffo pe brutalni violentni kriminalitetura de shtar bersh kodoleske, sikaven siffri katar o Brottsförebyggande rådet vaj BRÅ. Straffura pe shtar bersh vaj maj but vazdepe sar minimun straffo, cirka jek bersh maj ceraj.

O pharujipe ando 2010 bersh znachisardas ke o kriminaliteto pa zuralo maripe sas ulado ke e maj seriozni kriminalitetura line e rubrikacia "synnerligen grov misshandel". Thaj o konsekvenso si ke so maj but fallura kaj varekana sas dhikle sar misshandel vaj maripe ando normalno levelo akanak si shutino sar zuralo maripe vaj dukhaijipe.

Jek kaver gindo kusa e maj zurale straffura si ke kamenas maj zurale straffura kana o manush kherel sa kodo maj butivar vaj återfall, ferik pe kado punkto chi dikhen o BRÅ varesoske effektura.