Nationalno

Vittne darado pala incidento ando Göteborgo

Pala o incidento so sas de jekh kurko parpale ando Göteborgo khana jekh lavkakochefo pe o Hemköp shudas paji pe jekh juvli so mangelas love vorta angla e lavka.

E juvli so dikhla kado khatar lako lavka angla o Hemköp sas darado khatar jekh naj janglo mursh aratchi.

E Lilian Pekkari so kherel butchi ando Tant Blomma so si jekh lulujango lavka phenel sar o mursh dino andre andi lavka aratchi aj so vo phenda.

Voj vi phenel majdur ke prindjarel e murshes so phendas lake ke pala late varikon si te xasarel pesko butchi anda lako xoxaipe aj vi ke lat sila jekh lavka so voj trubul te lel sama pala aj trubul te daral.

Voj majdur phenel ke voj vuchem da kado kaj e politcia aj vi ke daral suarles numa varikaj sar manush musaj sas lake te phenel o chachimos. E politcia phende lake ke kado shaj avela rubricirime sar ofredande.

Kana ame dam duma kusa e politcia ando Göteborgo von amenge phenelas ke kado si tala rodipe aj ke nashtin te phene majbut pe kado caso.