nationalno

Buchake annonsora po Facebook le EU-migrantonge

5:33 min

Ando Sundsvall kezdisarde jekh rig po facebook kaj shun avri buchake annonsora thaj kote birin le EU-migrantora te roden bucha vaj te skirin soske bucha roden thaj so djanen te keren.

E Pirijo Holmström si jekh milijöpartistka thaj skiriv kevnji, voj las sama sar skirijas peski kevnja pa integration kärlek och hat kaj dikel maj pashe po rasismo kaj si ando samhälle, voj das pe gindo te kerel intervjua vi le mangitoron te shunel sar von atcharenpe ke vi von si jekh kotor anda samhälle.

Voj direkt las sama ke, von chi zanen peske chachimata kaj sile kana avel kaj e bucha thaj ke nas le jekh, chachipe ande le differentni myndigheter thaj ke kado naj mishto, ke naj le kodo zutipe vaj supporto so truboj len.

Kado kerdas te atcharelpe e Pirijo zurales chorres ke von feri beshen thaj naj le kodo zutipe so truboj, lake parres sas jekhzeni te kezdij te kerel variso oud te zutij le ale kusa zutipe katar e milijöpartia birisardas te startulin jekh buchaki gruppa te birin te zutin le EU-migranton

E Pirijo Holmström penel ke von len zutin te skirin pe andre ando arbetsförmedlin thaj butivar musaj te tlomachin te achatren po arbetsförmedlingen ke len si chachipe te skirinpe andre, vaj te araken vi kaver buchake programora, ke naj le sakasave rättigheter vaj chachimata sar kaj si le asylanton.

Von vi zutin le Eu-migranton kusa informatsia pa soske chachimata ,zutipe thaj supporto sile katar e policia iva butivar sikadjilas antiziganismo katar e policia ke kaj gindon maj but anda rom si hamime ande kriminalni gäng ale ke si vi policia kaj den supporto le romen penel e Pirijo.

Jekh Eu-migrant siles chachipe ando shvedo sar parode o zakono ando 2014 bersh angluno april ke shaj avel ando them sode kamel te birija te kerelpe försörja, sile vi chachipe te roden peske bucha thaj vi te len bucha, thaj sile rättighet te len avri peske id-samordningsnummer so feri len buchaki rekomendacia.

Kadalesa si buchi intrego vrama, feri e informatsia te den maj dur vi kaj le EU-migrantora thaj vi kaj le firmi, ke shaj keren bucha. E Pirijo Holmström penel ke von vi line kontakto kusa Skattemyndigheter te diken le regulora thaj che chachimata le Eu-migranton si thaj ke kado si ando regelrätt ke te arakle buchi sile rättighet te len id-smaordnings nummer thaj te pushinen o shkato ando Shvedo.

E Pirijo Holmström den avri informatsia pa kado individualnje voj pirel krujal thaj pashol kaj le mangitora thaj anglunes kamel te pashanpe ande late kotar maj letko birij te zutij le ande differentni djelora. Lako gindo si te zutij len thaj maj angle te avel len posebilita te anen peske shavoren kate po than thaj te aven le kaj te trajin.