Roavvenjárga

Sámit háledit sus veahki dárkkistit davviriikkaid fas

Sámit hálidit ahte Ovttastuvvon nášuvnnaid Spesialraportevra álgoálbmotáššiin iskašii movt sámeáššit ovdánit davviriikkain. Dan ovddidedje sámi njunušpolitihkkarat odne Roavvenjárggas gos sámedikkiid ovddasteaddjit deaivvadeddje ON Spesialráporteavrrain, Victoria Tauli Corpuz:ain.

Áile Jávo sámeráđi jođiheaddji leai maid deaivvadeamis ja son atná ahte livččii deaŧalaš geahččat movt riikkat čuvvot dan ovddes ON ráporta maid spesialráporteavra James Anaya čálii vihtta jagi áigi.

Das ávžžuhii Anaya ahte sámiid iešmearrideapmi nanostuvvo ja ahte sámiin galget leat nannoseappot eananrievttit vai sámiid ekonomálaš kultuvralaš ja sosiálalaš ovdáneapmi sihkkarasttojuvvošii.

– Min diehtit ahte ii leat nu ollu dáhpáhuvvan, dadjá Áile Jávo.

Sámedikkit áigot bovdet Victoria Tauli Corpuz´a virggalaš deaivvadeapmái Sápmái iskkandihte dili.

Lars-Ola Marakatt
lars-ola.marakatt@sr.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Sveriges Radio