Nationalno

Panch bersh temlica anda marimasko kriminaliteto

Jek 28-bershengo murce anda Syria las adjes o convicto panch bersh temlica ando Södertörns tingsrätt anda zuralo maripe thaj marimaske kriminalitetura vaj folkrättsbrott.

O murce kaj si les permanentno lil ando Svedo, sas dino krisi anda kode ke vov thela o maripe ande Syria dukhadas vaj zurales mardas jekhe murces kaj sas thele phandado pe jek skamin. Kado sas thele lino pe kamera thaj pala kode sas o video avri shutino pe socialni mediji.

O 28-bershengo murce phendas angla kodo ke les musajtisarde te kherel kodo.

E maj zurali evidencia karing o murce si o video kaj sikhavel sar vov thaj kaver ziene maren e murces kaj sas thele phandado.

E Hanna Lemoine, kammaråklagare vaj prokurorka ando internationalno åklagarkammaren ando Stockholm, phenel ke kado fajma si angluno razo ke varekon lel convicto ando Svedo anda kodo so kherdas ande Syria de sar o maripe.

Kado kerdzilaspe thela o milaj ando 2012-bersh kana o murce sas ando maripe pe oppoziciaki righ.

O murce lel akanak panch bersh temlica, ferik ke len thele pa leste o punkto permanentnie te shuden les avri anda them, pala e convicia.