Falun

Ruovttoolbmuid doarjja addá fámu

Otne gilvala norgga riikkajoavkku Håvard Klemetsen máilbmemeasttirgilvvus davviriikkalaš kombinašuvnnas gos álggus lea sabetnjuiken ja de čuoigan. Muhto beroškeahtta movt Håvardii manná čuvvot álo ruovttobáikeolbmot su ja dorjot su sihke miehte- ja vuostebiekkas. 

- Munnje gal mearkkaša ollu go lagaš olbmot ja oahppasat dorjot mu, earreliiggánit dakkár stuora máilbmemeasttirgilvvus. Dat addá munnje fámu ja sávvvamis mon birgen buoragit gilvvus, dadjá Håvard Klemetsen.

Falunis ledje ge sus fánssat geat guhká leat čuvvon Håvardda karrieara. Mikkel Nilut ja Laurits Hætta leaigga vuolgan gitta Guovdageainnus geahččat Håvardda go njuike ja čuoigá.

- Makkár leai dal go Håvard njuikii?

- Dat leai buorre gal muhto ieš ii orrun duhtavaš, dadjá Laurits Hætta ja Mikkel Nilut lasiha ahte gal Håvard livčče galgan njuiket 140 mehtera.

- Dal moai vulge geahččat go son čuoigá ja adde sutnje eambbo fámuid čuoigat, dadjá  Laurits Hætta.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Sveriges Radio