Valborg

2:46 min

But manush djan avri thaj dikhen sar phabarel pe bare jagha thaj kadales akharel pe o milaj.

O inkeripe pa kado djes si jekh purani tradicia so si zurali ando Shvedo thaj but manush djan pe jekh than khaj phabarel pe jekh bari jagh te phabarel pe avri o lungo jivend so sas ando Shvedo.

Kadi tradicia avilas de khatar e 1700 bersh thaj inkerdjiol pe zhi adjes, vi e manush so kidde pe avri anda Shvedo inkren kado djes ande kaver thema sar pengo djes, kana phabarel pe avi e tomna.

Pe kado djes kidden pe karuzeli,manush biknen differentne bajura, kaver biknen habenata thaj  manush djilaben djila thaj e manush loshan pe kado djes. Maj pe raciate kidden pe e manush kere khaj han khetanes thaj pien loshasa. Numa kado djes so si te avel jekh loshako djes jekh djes khaj akarel pe avri o milaj kerel vi but problemura ando them.

Ke kadi raci si jekh anda e maj phare racia khaj o socialo, policia thaj e dada thaj e deja. Ke kadi raci pien but ternimata alkoholo thaj macion but. Pe but thanende maren pe but ternimata thaj kado vazdel problemura ande e forura thaj pala e Shvedicko historia shaj vi te phenel pe ke so maj tato djes si po valborg so maj bare marimata thaj so maj but manush macion atunci.

Numa kado djes naj te avel kasavo, feri te avel jekh loshako djes.